.webp){kind=icon}
Тоа што нема бел и полубел леб на полиците во маркетите значи дека сите ја почитуваме одлуката донесена во понеделникот на состанокот во Стопанската комора, изјавиле за МИА претставници од пекарската индустрија.
Според нив, засега нема промена на ваквата одлука.
Во меѓувреме, Државниот пазарен инспекторат (ДПИ) врши интензивни контроли - дали на терен се почитува владината одлука за замрзнување на цената на белиот и полубелиот леб на 33 денари, донесена вчера.
Прочитај повеќе
Владата ја замрзна цената на лебот на 33 денари
Се укинува повластената струја за компаниите од прехранбената индустрија и се замрзнува цената на лебот.
28.02.2023
Дукоски: Мерката за замрзнување цени е непромислена
Наместо на сензационализам, мерките треба да се базираат врз анализа и економска логика, вели Сашо Дукоски од ССКМ.
28.02.2023
„Пекарите едноставно си ја почитуваат одлуката. Одлуката е донесена во понеделникот и промена на одлуката засега нема. Уште еднаш ќе повторам, тоа што нема леб на полиците во маркетите значи дека пекарите си ја почитуваат одлуката“, истакнал за МИА претставник од Групацијата на мелничко-пекарската индустрија.
Државниот пазарен инспекторат, пак, со сите капацитети е на терен и врши контроли на почитувањето на владината одлука. Од ДПИ најавуваат дека јавно ќе ги соопштат податоците од теренските инспекции кон крајот на денов.
Владата вчера донесе одлука за замрзнување на цената на белиот и полубелиот леб од 450 грама на 33 денари. Премиерот Димитар Ковачевски и министерот за економија Крешник Бектеши соопштија дека одлуката ќе важи заклучно со 31 мај годинава. Причина за замрзнување на цената е непочитувањето на договорот да се намалат цените на основните прехранбени производи во согласност со субвенционираната струја што ја добиваа компаниите.
