text size
“Гугл“ ја загуби долготрајната правна битка против Европската унија поради антимонополската казна од 4,1 милијарди евра, откако највисоките судии на блокот го потврдија правото на регулаторите да го казнат американскиот гигант за злоупотреба на неговата пазарна моќ со Андроид (Android).
Одлуката претставува ограничување за деловниот модел на Андроид - кој нудеше бесплатен софтвер во замена за условите наметнати на производителите на мобилни телефони. Ваквите договори предизвикаа реакција на Комисијата во 2018 година, кога надзорното тело го обвини “Гугл“ за три одделни форми на нелегално однесување што помогнале да се зацврсти доминацијата на неговиот пребарувач, и ја проследи одлуката со тогаш рекордна парична казна.
Добро утро, ви пишува Игор Петровски од дигиталната редакција на „Блумберг Адрија“, ова се петте вести за почеток на денот:
Македонски плати и одмор: Каде вашите 100 евра вредат најмногу
За многу семејства летниот одмор повеќе не е одлука што се носи тукутака, наеднаш. Тоа е сеопфатен финансиски план што почнува да се прави уште во текот на пролетта. Со години раните резервации не се само за оние што сакаат подобар хотел, туку олеснување, бидејќи за многумина тие станаа единствениот начин летувањето да остане во рамките на семејниот буџет.
Но, дури и кога буџетот е однапред испланиран, дилемите не завршуваат. Напротив, тогаш почнуваат пресметките за тоа што всушност можеме да си дозволиме за нашите пари. За да добиеме појасна слика колку навистина вредат нашите пари на одмор, како основа за споредба ја зедовме сумата од 100 евра. Тоа секако не е туристички буџет, туку едноставен начин да се види каде 100 евра купуваат повеќе сместување, повеќе услуги, повеќе денови, односно каде куповната моќ на туристот е најголема, а каде најбрзо се трошат.
„Check in“... за регионот Адрија
Сѐ повеќе европски земји се оддалечуваат од туристичкиот модел што ги брои туристите и ноќевањата и се вртат кон создавање додадена вредност со што е можно помал притисок врз животната средина и локалните заедници. За разлика од Хрватска, останатите земји од регионот Адрија немаат морски брег што носи многу пари. Затоа, на овие земји им е потребен модел кој нема да биде воден од обемот (volume driven) туку од вредноста (value driven).
Теоретски, туристичките работници од Србија, Македонија и Босна и Херцеговина оваа лекција ја знаат. Во практика, Словенија е најнапред во трансформацијата, Србија е подготвена да го оди овој пат, БиХ создава силен туристички интерес, а Македонија во моментов има повеќе потенцијал отколку систем.
Ќе се покачи ли старосната граница за пензионирање? ММФ и Светска банка допрва ќе анализираат
Во моментов не постои никаква официјална владина одлука за менување на условите за пензионирање, вели министерката за финансии Гордана Димитриеска – Кочоска, додавајќи дека е побарано од ММФ и Светската банка да направат анализа на пензискиот систем и неговата одржливост, и да дадат препораки што да се преземе.
„Сепак не значи дека тие препораки автоматски ќе станат и владина политика“, рече министерката. Таа посочи дека една од опциите која би можела да се појави во анализите е зголемување на старосната граница за пензионирање, но потенцираше дека во моментов тоа претставува само можна насока, а не официјална препорака. Воедно, го изнесе својот личен став дека не би требало да се воведува задолжително продолжување на работниот век, туку да се овозможи пофлексибилен модел.
Трамп се „изнаиграл“ на берза во 2025, имал преку 21.000 трансакции
Претседателот Доналд Трамп направил повеќе од 21.000 тргувања со хартии од вредност во првата година од неговото враќање на функцијата, честопати во интензивни напливи поврзани со пазарните настани што ги создаде самиот.
Вкупната вредност на тргувањата во долари била некаде помеѓу 600 милиони и 1,86 милијарди долари, според неговата годишна финансиска пријава за 2025 година, којашто ги наведува вредностите во широк опсег. Многу од трансакциите вклучуваат големи компании кои имаат бизнис со федералната влада.
Големото враќање кон претприемачката економија и зошто треба соодветно да се подготвите
Постои еден слеп агол во начинот на кој зборуваме за влијанието на вештачката интелигенција врз работните места. Поткастерите и теоретичарите детално анализираат како автоматизацијата ќе го преобрази вработувањето, но многумина во овие дебати забораваат нешто суштинско: корпорациите не постоеле отсекогаш.
Низ најголемиот дел од човечката историја, претприемачот, тој што решава одреден проблем нудејќи некое добро или услуга, и семејниот бизнис биле норма. На индивидуалните претприемачи не им требала дозвола, ниту ризичен капитал, туку тие просто постоеле. Ковачот, пекарот, трговецот биле економијата.
Па, што се промени? А, уште поважно, што се менува сега? Одговорите ги дава Олимпија Христова Заевска, експертка за иновации и одржливост, во својата колумна за „Блумберг Адрија“.
.webp){kind=icon}
