Пекарската индустрија од утре ќе почне да испорачува бел и полубел леб по цена од 33 денари, но ќе поведе и правна постапка за наплата на штетата што ја претрпува од владината одлука за замрзнувањето на цената.
Како што изјави денеска претседателот на Групацијата на мелничко-пекарската индустрија, Горан Малишиќ, компаниите максимално ги почитувале мерките за поддршка, а Владата донела неуставна и незаконска одлука, со која до 31 мај ќе им нанесе штета од над 4,5 милиони евра.
МИА
„Битката со Владата продолжува на правна основа. Одлуките што таа ги донесе на месечно ниво ни прават штета од над 1,5 милион евра. Во наредните три месеци ќе бараме начин да опстанеме, а од утре ќе почнеме да испорачуваме леб за да им излеземе во пресрет на граѓаните“, потенцира Малишиќ.
Прочитај повеќе
Ѓорѓиевски: Замрзнување на цената на лебот ќе доведе до загуби
На пазарот веќе има производи чии цени се од 33 до 35 денари, тврдат производителите на леб.
27.02.2023
Владата ги обврза пекарите да испорачуваат леб, тие најавија прес-конференција
Пекарите во текот на денот треба да го соопштат својот став по синоќешната владина oдлука за определување обврска за трговците.
03.03.2023
Тој оцени дека Владата воопшто нема чувство за новонастанатата ситуација и, како што рече, уништува една од основните индустрии во земјата.
.webp){kind=icon}
