.webp){kind=icon}
Како земјите од регионот Адрија ги менаџираат јавниот долг и буџетскиот дефицит во услови на затегната монетарна политика и континуирано зголемување на цената на капиталот ќе можете да прочитате в понеделник, во новата анализа на тимот аналитичари на „Блумберг Адрија“.
Истражувавме и како ќе се движат цените за летување во претстојната сезона, дали има поскапување на аранжманите за омилените туристички дестинации и колку се подготвени да платат македонските граѓани за сместување.
Македонија подолг период се соочува со недостиг од квалификуван работен кадар и поради тоа анализиравме какви се условите за вработување странци во Македонија и што треба да се направи за да се олеснат процедурите за привлекување работници од странство.
Постпандемискиот период донесе раздвижување кај странските инвестиции во регионот. Истражувавме какви поволности нудат земјите од регионот Адрија за странските инвеститори и како да се зголеми конкурентноста при привлекувањето инвестиции.
Повеќе компании од Македонската берза во овој период одржуваат акционерски собранија, на кои меѓу другото се одлучува и по прашањето за исплата на дивиденда. Анализиравме кои компании ќе исплатат дивиденда, какви се износите и дали има зголемување или намалување на дивидендите во однос на минатите години.
