Првпат по март 2022 година инфлацијата во земјава е едноцифрена. Според денешните податоци на Државниот завод за статистика, трошоците за живот во јуни се зголемиле за 9,3 отсто споредено со истиот месец претходната година, додека цените на мало се зголемиле за 5,7 отсто.
Раст на цените се забележани кај свежото и разладеното овошје за 13,2 отсто, свежиот и разладен зеленчук освен компирите и другите коренести плодови за 6,7 отсто, шеќерот, џемот, медот, чоколадите и кондиторските производи за 2,0 отсто, сирењето и урдата за 0,7 отсто, лебот и житата, прехранбените производи за 0,5 отсто, месото и пивото за 0,3 отсто, рибата, морските плодови, кафето, чајот, какаото и жестоките пијалаци за 0,2 отсто.
Покрај храната, трошоците за живот се зголемиле и кај воздухопловниот патнички транспорт за 14,5 отсто, туристичките аранжмани за 7,1 отсто, производите за лична хигиена 2,0 отсто, горивата и мазивата за сопствени превозни средства за 1,6 отсто и моторните возила за 0,3 отсто.
Според статистиката, намалување на индексите на трошоците за живот во јуни годинава споредено со истиот месец претходната година се забележува кај маслото и маснотиите за 0,8 отсто и млекото за 0,7 отсто. Намалување се забележува и кај гасот на домаќинствата за 2,5 отсто, накитот и часовниците за 0,9 отсто, игрите, играчките и хобијата за 0,3 отсто.
.webp){kind=icon}
