.webp){kind=icon}
Економскиот раст на земјите од Западен Балкан во следната година се очекува умерено да забрза и да достигне три проценти во услови на континуирано закрепнување во Европската Унија, главниот трговски партнер на регионот. Намалувањето на стапката на инфлација би требало да помогне во подобрувањето на расположливиот доход и да ја поддржи потрошувачката, редовниот шестмесечен извештај на Светска банка објавен денес.
Највисок раст, со стапка од 3,9 отсто се очекува следната година во Косово, во Албанија е проектиран на 3,2 отсто, како и во Црна Гора, во Србија од три отсто и во Босна и Херцеговина од 2,8 отсто. Најдолу на листата е Северна Македонија со очекуван раст на бруто домашниот производ од 2,5 отсто.
Доколку се остварат овие прогнози, бруто домашниот производ на целиот Западен Балкан во 2025 година би требало да расте со просечна стапка од 3,5 отсто, при што Косово повторно ќе води, а Северна Македонија ќе остане на дното на листата, се наведува во анализата.
Оваа година просечниот економски раст во земјите од Западен Балкан се предвидува на ниво од 2,5 отсто.
Вработеноста на историско високо ниво
Просечната стапка на вработеност во овој регион достигна ниво од речиси 48 отсто, а од средината на 2022 година до средината на 2023 година се отворени 103 илјади нови работни места. Албанија, Босна и Херцеговина и Црна Гора имале најголем напредок во делот на вработувањето.
Горлив проблем останува работната сила
Земјите од Западен Балкан се соочуваат со недостигот на работна сила и дека тоа е еден од најзначајните проблеми наведени од бизнисмените. Заедно со решавањето на ова прашање, државите од регионот мора да ја забрзаат економската конвергенција со понапредните економии на Европа, како и зелената транзиција и да го зголемат обемот на инвестиции во зајакнувањето на отпорноста на природни катастрофи, вклучително и во земјоделството, според проценките на аналитичарите во Светската банка.
