Цените на деловните објекти и натаму растеа засилено во текот на 2022 година во услови на зголемена побарувачка, што се огледа преку силниот раст на вкупната истргувана вредност и површина, информира Народната банка во новиот извештај за финансиска стабилност.
Според податоците на НБМ, во првите три квартали од 2022 година, истргуваните деловни објекти постигнале просечна цена од 19.769 ден./м2 односно 321 евро по квадрат, којашто е повисока за 12,7 проценти во однос на истиот период од претходната година.
„Ваквиот раст е резултат на повисокото зголемување на вредноста од површината на истргуваните објекти, иако и двете категории пораснаа по двоцифрени годишни стапки на раст“, велат од Народната банка.
Прочитај повеќе
Пет највредни недвижности што ги продаваат македонските банки
Повеќето објекти подолг период се наоѓаат на листите на продажби на банките.
02.12.2022
Цени од 2.500 евра за квадратен метар во Скопје не се реални
Во Македонија локацијата односно нејзината атрактивност е она што влијае најмногу на цената на становите.
19.10.2023
Пазарот на луксузни недвижности бара нови услуги, зелена градба и криптоплаќања
Потребите на купувачите на луксузни недвижности се променија во последните години.
06.10.2023
При отсуство на податоци за намената на кредитите одобрени на претпријатијата, кредитирањето за набавка на деловен простор не е анализирано како можен фактор на страната на побарувачката за позитивните движења кај вкупниот износ на истргувани деловни простори.
На страната на понудата на деловни објекти е забележан раст на вкупната вредност на изградените објекти по падот во претходните три години, но ваквите движења во голема мера се одраз на повисоките градежни трошоци.
Народна банка
Од НБМ информираат дека вкупната вредност на завршените нестанбени згради во 2022 година се зголемила за 10,8 проценти. Во поглед на новоиздадените одобренија за градба на нестанбени згради, нивниот вкупен број бележи опаѓање при намалување кај сите видови објекти, освен кај деловните згради.
„Меѓутоа, вкупната планирана површина на објектите за коишто се издадени одобренијата е повисока, а ова е особено изразено кај зградите за трговија на големо и мало каде што зголемувањето е повеќе од двојно и е на највисоко рамниште во последниот десетгодишен период“, посочуваат од НБМ.
Во номенклатурата деловните објекти се означени како „нестанбени згради“ и во оваа група се вклучени: хотели и слични згради; деловни згради; згради во трговијата на големо и на мало; згради за сообраќај и други комуникации; индустриски згради и складишта; згради за разонода на публика, за образование, болници или згради за институционална грижа; и други нестанбени згради.
Од централната банка додаваат дека според расположливоста на податоците, ризиците за финансиската стабилност поради движењата на пазарот на деловни објекти засега може да се следат преку учеството на кредитите обезбедени со деловен простор во вкупните кредити.
„На крајот од 2022 година, околу 38,7 проценти од вкупната кредитна изложеност отпаѓаше на кредитите коишто се обезбедени со деловен простор. Кај кредитното портфолио составено од претпријатија, уделот на кредитите обезбедени со деловен простор изнесуваше значителни 74,3 проценти, додека кај кредитите на домаќинствата беше значително пониско и изнесуваше 7,7 проценти“, велат од Народната банка.
Оттаму предупредуваат дека недоволната развиеност на пазарот на деловни објекти создава ризик од намалена ликвидност на деловните простори земени како обезбедување поради неизвесноста при нивното извршување.
.webp){kind=icon}
Во моментов нема коментари за веста. Биди прв да коментира...