Премиерот Димитар Ковачевски денеска рече дека очекува инфлацијата до крајот на годината да биде под шест проценти.
„Со сите мерки што ги преземаме, навистина сум оптимист дека ќе успееме инфлацијата да ја сведеме под шест отсто до крајот на годината. Веќе покажавме дека умееме да ја намалиме дури двојно само за една година“, истакна премиерот.
Според него, резултатите од мерките во однос на намалувањето на цените на основните прехранбени производи веќе даваат ефекти, а тоа ќе биде потврдено преку новите податоци за нивото на инфлацијата.
„Мислам дека тоа ќе се случи денеска или утре. Лично очекувам дека инфлацијата во однос на претходниот месец ќе биде не повеќе од еден процент, а во однос на минатата година за истиот месец под четири проценти“, посочи Ковачевски во обраќањето по посетата на скопската пиварница.
Тој најави дека ќе биде проширена листата на производи со гарантирана цена. Наедно, рече дека очекува дополнително намалување на цените со предложениот закон за нефер трговски практики, со кој се опфатени 26 нефер трговски практики.
.webp){kind=icon}
