.webp){kind=icon}
Комисијата за хартии од вредност на последната седница донесе решение со кое на „Железници на Република Северна Македонија Транспорт АД Скопје“ и даде одобрение да ја издаде 4-тата емисија на акции по пат на приватна понуда.
„Со четвртата емисија, друштвото ќе издаде 962.913 обични акции при што продажната цена по акција е еднаква со номиналната и изнесува 1.000 денари по акција. Вкупната продажна вредност на емисијата e 962.913.000 денари(15,6 милиони евра)“, информираа од КХВ.
Оттаму додаваат дека друштвото издава хартии од вредност заради зголемување на основната главнина, односно заради создавање услови за непречено функционирање. Приватната понуда е наменета за познат купувач, постојниот единствен акционер - Влада на Република Северна Македонија, како институционален инвеститор.
