Министерството за финансии денеска ја издаде 22-та емисија на Обврзници за денационализација на износ од 4,5 милиони евра со кои се опфатени сите правосилни решенија за денационализација во период од 01.01.2022 до 31.12.2022 година со коишто како надомест се даваат обврзници.Обврзниците за денационализација се хартии од вредност кои гласат на име, во евро валута и се неограничено преносливи.
МИА
„Номиналната вредност на една обврзница е едно евро, а каматната стапка е два отсто годишно. Номиналната вредност и каматата на имателите на обврзници се исплаќа во период од 10 години. Исплатата на каматата и номиналната вредност се врши еднаш во годината, односно на 10 еднакви рати, а за оваа емисија исплатата ќе започне од 1 јуни 2024 година. Имателите на обврзници за денацонализација, исто така , може да ги користат и за отплата на становите во општествена сопственост“ соопштуваат од министерството за финансии.
Со обврзниците за денационализација може да се тргува и на секундарниот пазар на Македонската берза. Согласно Законот за издавање на обврзници на Република Македонија за денационализација, почнувајќи од 2002 година, еднаш годишно врши емисија на обврзници за денационализација, а Владата на Република Северна Македонија со одлука годишно го утврдува износот на обврзниците за денационализација коишто се издаваат.
Државата досега има издадено 21 емисија на Обврзница за денационализација на износ од 391,2 милиони евра. Обврзници за денационализација се издаваат почнувајќи од 2002 година.
.webp){kind=icon}
