Само 16,5 проценти од директорите на компаниите од Македонската берза се жени

Поразителни податоци откри новата анализа за родовата структура на органите за управување во компаниите коишто котираат на Македонската берза. Според податоците од анализата, која ја изработи берзата, вкупниот број на членови во органите на управување во 89 компании коишто котираат на официјалниот пазар изнесувал 559, а од нив само 25,4 проценти се жени.

Уште помал е процентот на застапеност на женската популација кај функциите извршен директор и претседател на управен одбор. Имено, од вкупниот број лица на овие функции во друштвата коишто котираат на берзата само 16,5 проценти се жени, а 83,5 проценти се мажи.

    

Кога е во прашање родовата еднаквост, ништо подобра не е состојбата и кај компаниите кои го формираат македонскиот берзански индекс МБИ10. Во органите на управување на овие компании само 26,5 проценти се жени, а уште помал е процентот на жени-директорки во овие компании кој изнесува само 20 проценти.  

Анализата покажува разлики во родовата структура кај компаниите од различни дејности, но сепак учеството на мажите во органите на управување е поголемо отколку на жените во сите дејности.

Во моментов нема коментари за веста. Биди прв да коментира...

Остави коментар