Народната банка го објави редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција, во првото тримесечје од 2024 година. На крајот на првиот квартал нето надворешниот долг изнесува 4.350 милиони евра (или 29,9 проценти од проектираниот БДП).
МИА
„Нето надворешниот долг на земјата, во првиот квартал од 2024 година, е намален за 109 милиони евра, или за 2,4 проценти. Од аспект на структурата, приватниот нето-долг и натаму има поголемо учество во вкупниот нето-долг со 62 процента“, информира централната банка.
Во текот на првиот квартал од 2024 година негативната нето меѓународна инвестициска позиција, на крајот на март 2024 година, изнесува 8.506 милиони евра, или 58,4 проценти од проектираниот БДП за 2024 година. Најголемиот дел од овој износ, или 87 проценти, се нето-обврски врз основа на директни инвестиции, од кои 72 отсто се врз основа на сопственички капитал.
.webp){kind=icon}
