И македонската Влада се приклучува на планот на Европската Комисија за намалување на потрошувачката на струја за 15 отсто. Според министерот за економија, Крешник Бектеши, ваквите мерки за штедње се неопходи затоа што пред нас е една од најтешките зими на енергетски план.
„За полесно да се справиме со она што не очекува, за непречено снабдување со електрична енергија, рационално трошење и пониски сметки, подготвивме план и препораки за заштеда на струја. Мерките се поделени во повеќе категории, зависно дали се работи за домаќинства, компании или објекти, институции и претрпијатија во државна сопственост. Целта е намалување на потрошувачката за 15 отсто споредено со истиот месец лани. Ако не се постигне оваа цел, ќе следуваат согласно етичкиот кодекс и сите уредби, одредени санкции за сите раководители на институциите“, истакна Бектеши.
Согласно планот на Владата, за домаќинствата има само препораки, за државните институции конкретни задолженија. За нив, за време на топлите денови климите треба да бидат наместени на 27 степени, а за време на грејната сезона најмногу на 20 степени. Компјутерите по работа да се исклучуваат, редовно да се менуваат филтрите на грејните тела и клима уредите, да се печатат само најпотребните материјали, а прозорците да се заменат за енергетски ефикасни.
Владата бара исклучување на декоративното осветлување на фасадите на јавните објекти и културните споменици, гаснење сијалици кога има доволно дневна светлина
Мерките ќе важат од 01 септември до 31 март догодина.
.webp){kind=icon}
Во моментов нема коментари за веста. Биди прв да коментира...