Бруто домашниот производ (БДП) во четвртиот квартал лани порасна за 3,2 отсто, објави денеска Државниот завод за статистика (ДЗС). Во текот на минатата година БДП забележа раст од 2,8 отсто на годишно ниво.
Според статистика, во четвртото тримесечје лани најголем раст има кај градежништво од 13.2 отсто. Индустријата на крајот на минатата година излезе од негатива и оствари раст од 0,2 отсто. Кај трговијата растот изнесува 3,5 отсто.
Премиерот Христијан Мицкоски коментирајќи го статистичкиот податок, изјави дека владата останува фокусирана на подобрувањето на животот на граѓаните.
Прочитај повеќе
Економијата на еврозоната изненади со раст во последниот квартал од 2024-та
Економијата на еврозоната успеа да оствари раст на крајот од минатата година, со ревизија на првичната процена од страна на „Евростат“.
14.02.2025
Мрачни бројки од Германија - пад на производството на возила и машини
Производството во декември се намали за 2,4 проценти во однос на претходниот месец, што е полошо отколку што предвиде речиси секој економист од „Блумберг“.
07.02.2025
Анкета на Народна банка: Инфлација од 3 проценти во 2025 година
Економските аналитичари и натаму сметаат дека постои висок степен на неизвесност околу текот на идните случувања.
15.01.2025
„Фајненс тинк“: Државна помош за стратегиски сектори и поголема транспарентност
Србија е најдарежлива со државна помош од 5,9 отсто од БДП, а потоа Македонија со 1,9 отсто. Земјава најмногу го помага земјоделството, а резултатите не се видливи.
20.12.2024
ББА прогноза: Македонија на трето место во регионот по раст на БДП во 2025
Новата влада во Македонија даде приоритет на инвестициите пред фискалната дисциплина.
16.12.2024
„Нашата цел е јасна. Силна, стабилна и просперитетна Македонија во Европската унија, со високи стандарди за нашите граѓани“, рече тој на прес – конференцијата во Будимпешта.
Податоците за четвртиот квартал покажуваат дека двигател на растот е финалната потрошувачка на домаќинствата која учествува со 66,1 отсто во БДП, а номинално пораснала за 6 отсто.
„Во истиот период, извозот на стоки и на услуги номинално е намален за 3.1 отсто, а увозот на стоки и на услуги забележа зголемување во номинален износ од 2.0 отсто“, се наведува во соопштението на ДЗС.
Растот ќе продолжи
Очекувањата се дека трендот на раст ќе продолжи и во текот на 2025 година. Меѓународниот монетарен фонд (ММФ) минатата недела објави дека прекцијата за оваа година е БДП да изнесува 3,3 проценти, главно поради засилената домашна побарувачка поради интензивирањето на јавните инвестиции и поддршката на потрошувачката со трансфери од државата и реалниот раст на платите.
„Влијанието на слабата надворешна побарувачка забележана во 2024 година се очекува да опстои и понатаму во 2025 година, главно поради структурните поместувања во автомобилската индустрија во Европа. На долг рок, високата стапка на иселување, особено кај младите, се проектира да го намали потенцијалниот раст, кој сега персоналот го проценува на 3,0 проценти“, констатираше ММФ по годишниот скрининг на македонската економија.
.webp){kind=icon}
