Во мај 2025 година, просечната каматна стапка на вкупните кредити оствари месечно и годишно намалување од 0,05 п.п. и 0,43 п.п., соодветно и изнесува 5,06 проценти, соопшти Народната банка. Просечната каматна стапка на вкупните депозити изнесува 2,21 проценти што претставува месечен и годишен раст од 0,01 п.п. и 0,35 п.п., соодветно.
„Просечната каматна стапка на новоодобрените кредити, во мај, е зголемена за 0,85 п.п. при годишен пад од 0,47 п.п. и изнесува 4,72 проценти. Кај просечната каматна стапка на новопримените депозити е забележан месечен и годишен пад од 0,02 п.п. и 0,04 п.п., соодветно и изнесува 2,32 проценти“, информираат од Народната банка.
Каматни стапки на корпоративниот сектор
Прочитај повеќе
Во банките чуваме 9,9 милијарди евра, а им должиме 8,3 милијарди евра
Годишен раст на депозитите од 12,2 проценти, а на кредитите од 12,1 проценти.
20.06.2025
Компаниите и граѓаните „гладни“ за кредити, банките ќе ги олеснуваат кредитните услови
Во текот на првиот квартал од 2025 година, банките укажуваат на посилно олеснување на вкупните кредитни услови кај домаќинствата, во споредба со четвртиот квартал од 2024 година.
16.05.2025
Личен стечај - во светот е практика, кај нас засега невозможно
Од Министерството за економија велат дека при изработката на новиот закон за инсолвентност, кој се планира да биде донесен кон крајот на годинава, се разгледувала и можноста за воведување личен стечај.
19.05.2025
Во мај, просечната каматна стапка на вкупните кредити на корпоративниот сектор изнесува 4,66 проценти и е пониска за 0,07 п.п. во споредба со претходниот месец.
„Надолната промена е резултат на намалувањето на каматните стапки на денарските кредити без и со валутна клаузула (за 0,08 п.п. и 0,07 п.п., соодветно), при забележан пад и на каматните стапки на кредитите во странска валута (за 0,01 п.п.). Во споредба со мај минатата година, оваа каматна стапка бележи намалување од 0,65 п.п.“, наведуваат од Народната банка.
Каматната стапка на новоодобрените кредити на корпоративниот сектор, во мај, оствари месечно зголемување од 1,25 п.п. и изнесува 4,67 проценти.
„Месечната промена се должи на растот на каматните стапки на сите компоненти и тоа: каматните стапки на денарските кредити без и со валутна клаузула (за 1,35 п.п. и 0,46 п.п., соодветно) и каматните стапки на кредитите во странска валута (за 0,17 п.п.). Анализирано на годишна основа, каматната стапка на новоодобрените кредити на корпоративниот сектор е пониска за 0,49 п.п.“, велат од НБРСМ.
Овој месец, просечната каматна стапка на вкупните депозити на корпоративниот сектор е непроменета на месечна основа и изнесува 2,62 проценти. На годишна основа, оваа каматна стапка бележи раст од 0,41 п.п.
„Каматната стапка на новопримените депозити на корпоративниот сектор изнесува 2,30 проценти и забележа месечен раст од 0,07 п.п. Нагорната промена во целост е резултат на зголемувањето на каматните стапки на денарските депозити без валутна клаузула (за 0,22 п.п.), додека каматните стапки на депозитите во странска валута остварија пад од 0,21 п.п. Овој месец, банките и штедилниците не евидентирале новопримени денарски депозити со валутна клаузула. Каматната стапка на новопримените депозити на корпоративниот сектор е намалена за 0,08 п.п. на годишно ниво“, велат од централната банка.
Каматни стапки на домаќинствата
Во мај, каматната стапка на вкупните кредити на домаќинствата е намалена за 0,03 п.п. на месечно ниво и изнесува 5,45 проценти. Анализирано по валута, промената произлегува од падот на каматните стапки кај сите компоненти, и тоа: каматните стапки на денарските кредити без и со валутна клаузула (за 0,05 п.п. и 0,02 п.п., соодветно), како и каматните стапки на кредитите во странска валута (за 0,01 п.п.). На годишна основа, оваа каматна стапка оствари пад од 0,20 п.п.
Просечната каматна стапка на новоодобрените кредити на домаќинствата, во мај, забележа месечен раст од 0,12 п.п. и изнесува 4,79 проценти.
„Притоа, растот во целост се должи на зголемените каматни стапки на денарските кредити без валутна клаузула (за 0,09 п.п.), при пад на каматните стапки на кредитите во странска валута и каматните стапки на денарските кредити со валутна клаузула (за 0,05 п.п. и 0,04 п.п., соодветно). Годишниот пад на просечната каматна стапка на новоодобрените кредити на домаќинствата изнесува 0,47 п.п.“, наведуваат од Народната банка.
Во мај, каматната стапка на вкупните депозити на домаќинствата изнесува 2,15 проценти и бележи месечно зголемување од 0,01 п.п. Месечната промена произлегува од растот на каматните стапки на денарските депозити без валутна клаузула и на каматните стапки на депозитите во странска валута (за 0,01 п.п., соодветно), во услови на пад на каматните стапки на денарските депозити со валутна клаузула (за 0,02 п.п.). Во споредба со истиот месец претходната година, оваа каматна стапка е повисока за 0,34 п.п.
„Каматната стапка на новопримените депозити на домаќинствата6 овој месец е пониска за 0,08 п.п. и изнесува 2,34 проценти. Притоа, падот е резултат на намалените каматни стапки на депозитите во странска валута и каматните стапки на денарските депозити без валутна клаузула (за 0,24 п.п. и 0,02 п.п., соодветно). Во мај, банките и штедилниците не евидентирале новопримени денарски депозити со валутна клаузула. На годишна основа, каматната стапка на новопримените депозити на домаќинствата е намалена за 0,02 п.п.“, истакнуваат од Народната банка.
.webp){kind=icon}
Во моментов нема коментари за веста. Биди прв да коментира...