.webp){kind=icon}
Јавното претпријатие Водовод и канализација кое ги снабдува скопјани со вода, за струја ќе плати дури 7,3 милиони евра за една година. Минатата година за снабдување на електрична енергија за претпријатието бил склучен договор на вкупна вредност од 2,3 милиони евра или дури за пет милиони евра помалку од сега.
Сагата со која се соочуваат голем број од македонските компании секако ги погодува и јавните претпријатија. Снабдувањето со електрична енергија ги јаде буџетите на компаниите и ја става под знак прашалник нивната одржливост и опстанокот. Само за споредба, сумата која сега ова ЈП ќе ја плати за струја за една година е трета најголема набавка на Водовод и канализација од 2008 година наваму. Првите две разбирливо се поголеми оти станува збор за изградба на новиот објект на претпријатието. Неверојатно ама сега набавката на струја за една година чини ќе го чини ЈП Водовод и канализација приближно еднакво како и градежните работи за довршување на управната зграда.
Според новиот договор склучен со ЕВН Македонија Електроснабдување како снабдувач на енергијата, превидено е максималната проценета сума што треба да се плати за испорачаните киловатчасови во сите 12 месеци кои следуваат да биде 7,3 милиони евра. Цената на еден киловатчас ќе зависи од цената на струјата на берзата HUPX во Будимпешта, а за испорачувањето снабдувачот ќе наплатува маржа. ЈП Водовод и канализација ќе ги плаќа фактурите на истекот на секој месец, а ако проценетата сума се потроши порано, најверојатно ќе се бара нов снабдувач, затоа што во договорот стои дека максималната цена е проценетата.
Пред извесен период од Град Скопје потврдија дека изработиле сеопфатен план за штедење на електрична енергија со мерки за намалување на потрошувачката на струја на среден и долг рок, а дека тој содржи и интервентни мерки на штедење.
Град Скопје има план за штедење, детали нема /МИА
„Во пресрет на зимскиот период и енергетската криза, Град Скопје изработи сеопфатен план за штедење на електрична енергија со мерки за намалување на потрошувачката на среден и долг рок, а истиот содржи и интервентни мерки на штедење. Во моментов се изготвуваат и соодветни препораки до јавните претпријатија кои се во надлежност на Град Скопје, информираа од Град Скопје.
Инаку сметките за струја на јавните претпријатија се голема грижа и за другите градови. Пред три дена охридскиот градоначалник Кирил пецаков изјави дека последната сметка за струја на јавното претпријатие „Водовод“ изнесува 14 милиони денари, додека за истиот период лани била околу два и пол милиони денари.
„Приходот е 10 до 10,5 милиони денари, расходот за платите е до девет милиони денари, не можеме ниту плата ниту струја да платиме, изјави Пецаков.
Охридските јавни претпријатија во лоша ситуација - градоначалникот на Охрид Кирил Пецаков/ МИА
Тој посочи дека Управниот одбор на ЗЕЛС имал состаноци со претставници во Владата за изнаоѓање начин за надминување на проблемот.
„Барем јавните претпријатија што обезбедуваат вода за граѓаните да бидат на регулиран пазар и со тоа да можеме да го издржиме притисокот. Меѓутоа Владата не е спремна за таков подвиг, односно буџетски нема како да ги обезбеди тие средства со регулираниот пазар и ќе продолжиме со тие проблеми, рече Пецаков.
