text size
Извозот на стоте најголеми извозници од земјава во 2024 година се намалил дури за 6,5 проценти и изнесува 5,83 милијарди евра, за разлика од претходната година, кога неговата вкупна вредност изнесувала 6,2 милијарди евра, анализира специјализираниот портал „Извоз.мк“.
Податоците покажуваат дека вкупните приходи на најголемите 100 извозни компании лани достигнале 7,8 милијарди евра, што е намалување од 3,6 проценти на годишно ниво.
Ваквите бројки со право се загрижувачки ако се земе предвид фактот дека на оваа група од 100 најголеми извозници отпаѓаат три четвртини од вкупниот извоз од Македонија, или поточно 74 отсто, што ги потврдува стратешката важност и значењето на овие компании за националната економија.
Прочитај повеќе
Патот на македонските играчки од Крива Паланка до големите трговски синџири низ светот
Производите на „Дема стил“ се наоѓаат на полиците на многу големи трговски синџири низ светот, меѓу кои „Алди“, „Лидл“, „Теско“, „Екшн“, „Едека“, „Вулворт“, „Теди“, „Кик“ и многу други.
20.11.2025
Следната година ќе биде потешка за работа за македонските извозни компании
Годинава за седум месеци вкупната размена на земјава со странство достигна обем од околу 11,4 милијарди евра. Од тоа, извозот изнесува 4,7 милијарди евра.
26.09.2025
Македонскиот текстилен сектор во очај - машините стивнаа, кошулите останаа недошиени
Во јуни 2015 година вредните раце на текстилните работнички во земјава сошиле 1.961 кошула, во истиот месец годинава биле сошиени близу трипати помалку кошули, само 714.
24.09.2025
Како земјоделци од Македонија ја освојуваат Европа со дигитализација и иновации?
Дигитализацијата на земјоделството има значаен потенцијал за подобрување на ефикасноста, ефективноста, одржливоста и конкурентноста низ целиот сектор, а со тоа и на профитабилноста.
03.09.2025
Разбирливо, автомобилската индустрија во Македонија е една од најпогодените следствено на глобалните случувања, за што „Блумберг Адрија“ пишуваше многупати досега. А токму компаниите што произведуваат автомобилски делови доминираат на листата на 100 најголеми извозници. Тие претставуваат една петтина од најдобрите или точно 20 компании.
„Извоз.мк“ посочува дека производителите на автоделови во 2024 година оствариле вкупен извоз од 3,65 милијарди евра, што е пад од 11,9 проценти во однос на 2023 година. Инаку, овие компании создаваат 46,3 отсто од вкупниот извоз на државата во 2024 година. Тие лани работеле со профит од 89,3 милиони евра и имале 34.165 работници.
Индустријата за храна и пијалаци е најмногубројна на листата на 100 најголеми извозници со 21 компанија, кои во 2024 година оствариле вкупен извоз од 229 милиони евра, со што реализирале раст од 17,1 отсто во споредба со 2023 година. Најмногубројни меѓу големите извозници на храна се компаниите од кондиторската индустрија и индустријата за преработка на овошје и зеленчук.
Во 2024 година, стоте најголеми извозни компании од Македонија вработувале близу 56 илјади лица.
„Од најголемите 20 работодавци, дури 15 се од автомобилската индустрија, што уште еднаш ги потврдува нејзината доминантна улога и големата изложеност на македонската економија кон една конкретна индустрија“, се посочува во анализата на „Извоз.мк“.
Инаку, најголемите 100 извозници од Македонија во 2024 година оствариле вкупен профит од 410 милиони евра, што претставува раст од 13,4 проценти во однос на 2023 година.
Извоз.мк
Порталот „Извоз.мк“ шеста година по ред ја објавува специјалната едиција, овој пат под наслов „Топ 100 извозници 2025“, во која ги рангира и анализира најголемите и најуспешни извозни компании во Македонија.
„Целта на изданието е да ги истакне улогата и значењето на извозните компании, да промовира успешни практики и стратегии и да ја зголеми свесноста за значењето на извозот како двигател на економскиот раст, конкурентноста и развојот на државата, особено за мала економија како македонската“, посочуваат оттаму.
.webp){kind=icon}
