Во две блок-трансакции со вкупна вредност од 14,7 милиони денари или околу 240.000 евра минатата недела на Македонската берза беа продадени 1.300 акции од „Комерцијална банка“. Во првата блок-трансакција вредна околу 2,2 милиони денари се продадоа 200 акции по цена од 11.400 денари за акција. Во втората блок-трансакција вредна 12,4 милиони денари се продадоа 1.100 акции по цена од 11.350 денари за акција.
Во текот на минатата недела на берзата во блок-трансакција вредна 9,2 милиони денари (149.000 евра) беа истргувани 4.000 акции од тетовски „Тетекс“. Акциите се продадоа по цена од 2.300 денари за акција.
За четири дена тргување во минатата недела на берзата имаше 225 трансакции, беа продадени 52.360 акции и остварен промет од 51,4 милиони денари.
.webp){kind=icon}