Хипотекарните каматни стапки во Соединетите Американски Држави (САД) се искачија на највисоко ниво во последните 16 години и сега во просек изнесуваат 6,75 отсто. Тоа претставува раст од седма последователна недела, што поттикнува најлош пад на барањата за станбени кредити откако почна пандемијата.
Договорените 30-годишни фиксни каматни стапки за хипотеки пораснаа за речиси четвртина процентен поен во последната недела од септември, покажуваат податоците објавени денеска од Здружението на хипотекарни банки (МБА). Континуираното поскапување на хипотекарните кредити во текот на минатата недела резултираше со пад на барањата за купување или рефинансирање на недвижнини за повеќе од 14 отсто.
Bloomberg Mercury
Во текот на изминатите седум недели стапката на хипотекарни кредити порасна за 1,3 процентни бодови, што претставува најголем раст за толкав период од 2003 година и отсликува пораст на трошоците за задолжување додека Федералните резерви (ФЕД) ја интензивираат својата борба против инфлацијата.
Ефективната 30-годишн фиксна каматна стапка надмина 7 отсто на крајот од месец септември, што е најмногу од 2006 година.
Индексот МБА, кој што ги отсликува барањата за купување домови, падна за 12,6 проценти, на 174,1 отсто, што е најниско ниво од 2015 година, додека показателот за рефинансирање падна за 17,8 проценти, на најниско ниво во последните 22 години.
Потенцијалните купувачи наскоро може да искусат мало забавување на растот на трошоците за задолжување, со оглед на тоа дека приносот од 10-годишните државни обврзници во САД неделава е намален.
Другите мерки за хипотекарните каматни стапки, исто така, ги сместуваат трошоците на ниво од 6,7 отсто. Минатата недела податоците на „Freddie Mac“, кои што редовно се објавуваат во четврток, покажаа дека просекот за 30-годишните кредити се качи на 67 отсто, најмногу од 2007 година. „Mortgage News Daily“ се ажурира почесто и ги става 30-годишните каматни стапки на 6,65 отсто.
Анкетата на МБА се спроведува на неделно ниво уште од 1990 година и користи одговори од хипотекарните банкари, комерцијалните банки и штедилниците. Податоците покриваат над 75 проценти од сите барања за станбени хипотеки на мало во САД.
.webp){kind=icon}
Во моментов нема коментари за веста. Биди прв да коментира...