Производството во фабриките во САД неочекувано се зголеми во февруари, втор месец по ред, што претставува мало закрепнување за производствениот сектор, кој е слаб поради зголемената економска несигурност.
Позитивата од 0,1 отсто во фабричкото производство минатиот месец следуваше по порастот во јануари од 1,3 отсто, покажуваат податоците на Федералните резерви (ФЕД) што се објавени денеска.
Вклучувајќи ги рударството и комуналните услуги, вкупното индустриско производство беше непроменето во февруари. Просечната прогноза во анкетата на „Блумберг“, спроведена меѓу економистите, беше намалување на индустриското производство за 0,3 отсто, додека аналитичарите очекуваа вкупното производство да се зголеми за 0,2 отсто.
Промени во фабричкото производство во САД / Bloomberg Mercury
Последователните добивки во производството на стоки укажуваат на поцврст економски раст во првиот квартал, помогнат со подобрувањето на синџирите на снабдување и враќањето на нарачките. Сепак, изгледите за фабричката активност ќе се тестираат со зголемените трошоци за задолжување, слабите економии во странство и зголемените резерви.
Овие нови податоци следуваат по посебниот извештај на Институтот за управување со снабдувањето што беше објавен претходно овој месец, кој покажа дека показателот на фабричката активност е подобрен за првпат во шест месеци и покрај тоа што во голема мера остана депресивна.
Податоците на ФЕД покажаа дека искористеноста на капацитетот во фабриките, мерка за потенцијалното производство што се користи во пресметките за инфлациските притисоци, се намали на 77,6 проценти. Порастот на фабричкото производство минатиот месец е одраз на зголемувањето на компјутерите и електрониката, хемикалиите и производите од дрво. Производството на моторни возила падна по третпат во последните четири месеци.
По пазарни групи, производството на стоки за широка потрошувачка се зголеми, одразувајќи добивка во енергија. Сепак, производството на трајни производи за широка потрошувачка, како што се автомобилите, падна, како и производството на деловна опрема. Производството на комунални услуги се зголеми за 0,5 отсто, додека рударството падна за 0,6 отсто. Дупчењето на бунарите за нафта и гас се лизна за 3,1 отсто.
.webp){kind=icon}
