Главната мерка за американската инфлација е ублажена во март, но сè уште има силно темпо, кое најверојатно го одржува во игра зголемувањето на каматните стапки од страна на Федералните резерви (ФЕД) во текот на следниот месец.
Без храна и енергија, индексот на потрошувачките цени се зголемил за 0,4 отсто во текот на минатиот месец, по растот од 0,5 отсто во февруари, според податоците што во средата ги објави Бирото за статистика на трудот. Вкупната мерка се зголеми за 0,1 отсто, како одраз на повлекувањето на цените на енергијата.
Од пред една година, т.н. базичен ЦПИ (анг. core CPI - Consumer price index), кој економистите го сметаат за подобар показател за основната инфлација, е зголемен за 5,6 отсто. Целокупната мерка е зголемена за 5 отсто.
Тоа е нагло забавување од претходниот месец, бидејќи бројката сега се споредува со март 2022 година, кога цените на енергијата се зголемија веднаш по руската инвазија на Украина.
Просечната процена во анкетата на „Блумберг“ меѓу економистите беше месечен раст од 0,4 отсто во основната мерка и зголемување од 0,2 отсто кај вкупната.
.webp){kind=icon}
