Американскиот економски раст забави во првото тримесечје годинава, и тоа повеќе отколку што се очекуваше, проследен со помали деловни инвестиции и намалување на резервите.
Бруто-домашниот производ (БДП) на САД порасна за 1,1 отсто на годишно ниво поради најголемата лична потрошувачка во последните две години, покажува првата процена на американското министерство за трговија, објавена денеска. Потрошувачката на домаќинствата во првото тримесечје се зголемила за 3,7 проценти.
Зголемувањето на личната потрошувачка се одрази на добивката во секторот стоки и услуги, вклучувајќи го и растот на купувањето моторни возила. Деловните инвестиции во опрема забележаа најголем пад од почетокот на пандемијата, а резервите се намалија најмногу од бруто-домашниот производ за две години.
Bloomberg Mercury
Податоците илустрираат економски раст што постепено се намалува под притисокот од зголемувањето на каматните стапки од страна на Федералните резерви (ФЕД) и зголемената инфлација. Иако економијата зајакна на почетокот од годината, делумно потпомогната од невообичаено топлото време, домаќинствата и компаниите ја намалуваат потрошувачката како што одминува кварталот.
Економските изгледи многу зависат од отпорноста на пазарот на трудот. Ниската невработеност и упорниот раст на платите досега овозможуваат потрошувачите да ја пребродат високата инфлација и да продолжат да трошат.
Параметрите за анализа на инфлацијата на кои ФЕД најмногу се потпира се зголемуваат. Индексот на цените на расходите во рамките на личната потрошувачка порасна за 4,2 проценти на годишно ниво во периодот од јануари до март. Не сметајќи ги храната и енергијата, индексот порасна за 4,9 отсто, односно повеќе од прогнозите и најмногу во последната година. Податоците за март ќе бидат објавени утре.
Просечната проекција на економистите на „Блумберг“ беше дека БДП на САД ќе порасне за 1,9 отсто, а личната потрошувачка ќе забележи раст од четири отсто на годишно ниво. По објавата на податоците, фјучерсите на американските акции паднаа, приносите на државните обврзници скокнаа, а доларот зајакна.
.webp){kind=icon}
