.webp){kind=icon}
Банката на Јапонија (БОЈ) ги потресе финансиските пазари со олабавување на контролата врз приносите на обврзниците. Тоа беше првото изненадување во монетарната политика откако на чело на банката застана гувернерот Казуо Уеда, а одлуката најверојатно ќе ги подгрее гласините дека наскоро може да следува нормализација на политиката.
Приносот на референтните јапонски обврзници се зголеми над горната граница на централната банка од 0,5 отсто. Јенот флуктуираше, паѓајќи за повеќе од еден процент, пред да се промени ситуацијата, па валутата зајакна во однос на доларот.
JPYUSD:CUR
JPY
0,007198 USD
почетна цена
0,00717
претходна цена на затворање
0,00717
промена од почетокот на годината
-5,9001%
дневен опсег
0,00 - 0,00
опсег на 52 недели
0,01 - 0,01
Јенот скокна и за време на самиот состанок откако „Никеи“ (Nikkei) објави дека одборот на БОЈ ќе разговара дали да се промени политиката за контрола на кривата на принос за да се дозволи долгорочните каматни стапки да се издигнат над горната граница.
Шпекулациите за промените на оваа програма тлееја од минатата година во услови на глобален бран на затегнување на монетарната политика додека централните банки се обидуваат да ја ограничат инфлацијата. И Федералните резерви (Фед) и Европската централна банка (ЕЦБ) неделава повторно ги зголемија каматните стапки.
Казуо Уеда, гувернер на Банката на Јапонија
Bloomberg
Со оглед на тоа што инфлацијата сè уште не е вкоренета во Јапонија, Уеда и БОЈ најверојатно ќе тврдат дека промената во контролите на приносот е насочена кон одржливост на стимулативната политика, наместо кон неизбежна нормализација.
„Самото проширување на распонот за 0,5 отсто би се сметало за ефективно зголемување на стапката, па БОЈ избегна да го остави тој впечаток така што најави дека сега директното купување обврзници ќе го врши со фиксна стапка од еден отсто“, рече Нобујасу Атаго, главен економист во „Ичијоши“ (Ichiyoshi Securities) и поранешен функционер на БОЈ. „Поради тоа пазарите не можат да го оценат потегот на банката како недвосмислено заострување на монетарната политика“, додаде тој.
Последните прогнози објавени заедно со одлуката покажуваат дека инфлацијата годинава ќе биде над два отсто, но ќе падне под целта во текот на наредната фискална година. Така, проекцијата сугерира дека банката можеби ќе треба да продолжи со спроведување полабава монетарна политика.
Сепак, тие не успеаја да убедат некои играчи на пазарот. Ветувањето на централната банка дека ќе откупува 10-годишен државен долг по стапка од еден процент секој ден, наместо досегашната стапка од 0,5 отсто, би значело дека сега постои нова граница на еден отсто. Приносот на референтните обврзници достигна дури 0,575 отсто во раните попладневни тргувања во Токио.
Тоа значи дека Уеда ќе се мачи во текот на следните месеци за да појасни дека овој потег не е само уште еден чекор кон крајот на контролата на кривата на принос.
„БОЈ почнува полека да ги укинува контролите на кривата на принос“, рече Хирофуми Сузуки, главен девизен стратег во „Сумитомо Мицуи“ (Sumitomo Mitsui Banking Corp), кој точно предвиде промена во контролната политика на овој состанок. „Тоа беше храбар потег практично да се подигне горната граница на еден процент. Централната банка веројатно мислеше дека е полесно да се направи тоа во еден потег наместо во фази“, додаде тој.
