Клучната мерка на потрошувачките цени во САД порасна многу скромно втор месец по ред, зајакнувајќи ги надежите дека Федералните резерви (Фед) можат да ја скротат инфлацијата без да предизвикаат рецесија.
Основниот индекс на потрошувачките цени (CPI), кој ги исклучува нестабилните ставки како храна и енергија, порасна за 0,2 отсто втор месец, покажуваат податоците на Бирото за статистика на трудот од четвртокот. Ова го означи најмалиот последователен раст во повеќе од две години.
Економистите ја гледаат основната мерка како подобар показател за базичната инфлација, во однос на вкупниот CPI, кој исто така се зголеми за 0,2 отсто во јули и за 3,2 отсто од пред една година. Растот на годишно ниво одразува понеповолна споредба со индексот од пред една година.
Основниот индекс е зголемен за 4,7 отсто во однос на јули 2022 година. Иако е сè уште покачена, основната инфлација забавува речиси секој месец откако достигна врв од 6,6 отсто во септември.
Базичната инфлација во САД со најмал последователен раст во повеќе од две години
Bloomberg
Напредокот во однос на инфлацијата, во комбинација со солидниот економски раст и здравиот пазар на трудот, кој сепак постепено се лади, претставува уште еден чекор во вистинска насока за централната банка. Највисоките каматни стапки во последните 22 години одиграа улога во смирувањето на ценовните притисоци, но и натаму не ја доведоа земјата во рецесија, за што многу економисти некогаш мислеа дека е неизбежен случај.
Најновиот извештај за CPI е само еден од многубројните клучни податоци што ќе ги имаат претставниците на Фед пред нивниот состанок во септември. Доколку продолжат сегашните трендови, веројатно е дека Фед ќе ги остави стапките непроменети следниот месец.
Фјучерсите на американските акции пораснаа, приносите на државните обврзници се намалија, а доларот ослабе.
Деталите покажаа дека повеќе од 90 отсто од зголемувањето на вкупниот индекс на потрошувачки цени се должи на трошоците за домување, кои инаку се намалија од почетокот на годината. За растот придонесе и автомобилското осигурување.
Цените на половните автомобили, во меѓувреме, паднаа втор месец, додека авионските билети забележаа најголеми падови од почетокот на пандемијата. Цената на намирниците се зголемила најмногу од почетокот на годинава.
.webp){kind=icon}
Во моментов нема коментари за веста. Биди прв да коментира...