Ако одговорот на прашањето од насловот е „да“, значи дека вие сте меѓу тие 19 отсто среќници што во текот на оваа година добиле зголемување на платата. Анализата за пазарот на трудот за 2025 година покажува и уште две невообичаени работи – никој веќе не се плаши од отказ, а работата во државната администрација е неатрактивна.
За разлика од платите, цените на становите не стагнираа. Напротив, според последните податоци, растот е најбрз во последните две и пол децении. Државата не може да го стабилизира пазарот и затоа што има мала понуда, но и затоа што продава на аукции на кои може секој да учествува, па, така, цените на државните станови се изедначија со тие на приватните инвеститори.
Како и да е, бројките покажуваат дека изградбата на вака скапи станови ќе биде двигател на градежништвото следната година. И да не биде дека нема и евтини недвижности. Има, на пример, земјиште од 1 евро за квадрат, куќа за 12.000 евра – а нив ги продаваат македонските банки.
Прочитајте повеќе:
Што навистина знаеме за зрачењето во електричните автомобили?
Светот во маратонска трка да придобие дигитални номади, Македонија допрва ќе стартува
Што друго растеше во почетокот на последниот месец од годината? Биткоинот почна со пад под 86.000 долари, потоа скокна, па аналитичарите се запрашаа дали е тоа почеток на долго посакуваното закрепнување. А последиците од падот се бројат во милијарди, удар претрпеа и криптопозициите на Трамп.
Бакарот се приближи до рекорд, а нарачките се зголемија најмногу од 2013 година. Блиску до рекорд се тргуваше и среброто, но не за долго, затоа што преовлада загриженоста од прегревање.
Акциите растат паралелно со оптимизмот за раст на крајот на годината. А оптимизам има и за 2026 година, за кога се предвидува двоцифрен раст на S&P 500. Но, зошто овој раст на индексот не се пресликува на вашето портфолио. Прочитајте овде.
Откако ОПЕК+ потврди дека ќе паузира со зголемувањето на производството, растеше и цената на нафтата. А аналитичарите велат дека најголем раст ќе има заработката на „Рајнметал“.
Прочитајте повеќе:
Политиката и криптовалутите: за танго се потребни двајца
Што всушност промовираше „Бајненс“ во Македонија?
Неделава американската дипломатија ги интензивира напорите за завршување на војната во Украина. За време на викендот во Флорида, државниот секретар Марко Рубио преговараше со Украинците. Тој ги оцени разговорите како продуктивни. Потоа луѓето на Трамп, преговарачот Виткоф и зетот за ќерка Кушнер, отидоа за Москва и пет часа разговараа со Путин. И тие разговори беа оценети како продуктивни, но без значајно поместување. Паралелно, Европа бара начини да дојде до замрзнатите руски милијарди. Белгија го отфрла предлогот, а САД ги повикаа европските држави да го блокираат заемот на ЕУ за Украина.
Поддршка за Украина побара и францускиот претседател од својот кинески колега Шји. Макрон беше на посета во Кина и ги повика и кинеските инвеститори во време кога кинеските производители на автомобили се повлекуваат од рекордниот удел на европскиот пазар. Макрон во Кина доби и нови панди за зоолошките градини во Франција.
Вештачката интелигенција останува во фокусот. Британската економија чека спас од ВИ, а на банките од регионот одлично им оди и без неа. ЕУ отвора антимонополска истрага за „Мета“, а „Мајкрософт“ се соочува со пад на побарувачката за вештачка интелигенција. Баерн го блокира ЧетГПТ затоа што фудбалот влегува во ера на интерни платформи со ВИ. А вештачката интелигенција ќе донесе уште еден силен раст. Според „Блумберг НЕФ“, потрошувачката на струја од центрите за податоци до 2035 година ќе се зголеми за 36 отсто.
.webp){kind=icon}
