.webp){kind=icon}
Новата година не започна добро за кинеските производители на електрични возила, а нивните акции паднаа поради зголемените стравувања од забавување на побарувачката.
Изгледите за секторот се нарушени, бидејќи извозот забавува, а ценовните војни се интензивираат.
Компанијата „Ли ауто“ (Li Auto Inc.) имаше акции со најдобри перформанси во индексот Ханг Сенг минатата година, а неделава паднаа за околу шест проценти, додека конкурентите „Експенг“ (XPeng Inc.) и „Нио“ (Nio Inc.) паднаа за повеќе процентни поени. Заедно со БЈД (BYD Co.), четирите големи производители на електрични возила изгубија вкупна вредност од 13 милијарди долари во 2024 година.
Додека се предвидува дека испораките на електрични возила со батерии и на т.н. плагин (plug-in) хибриди ќе пораснат за 25 проценти годинава, растот е сè уште побавен од 36 проценти во 2023 година, според овонеделните податоци на Кинеската асоцијација за патнички автомобили.
Аналитичарите во „Ситигруп“ (Citigroup Inc.), вклучувајќи го и Џеф Чунг, во петокот ја намалија целната цена на БЈД за повеќе од 20 отсто, наведувајќи ја конкуренцијата во Кина и прогнозата за помал обем на продажба поради загриженоста за побарувачката.
Кинеските производители на електрични возила губат импулс на почетокот на годината
Bloomberg Mercury
„Акциите би можеле да бидат притиснати од несигурноста во вреднувањето и заработката во првиот квартал што се движи кон сезона на ниски нивоа со намалени резерви, пред понапредните функции да помогнат во зајакнувањето на новите модели од април“, велат тие.
Акциите на најголемиот светски производител на електрични возила се зголемија за 1,9 отсто неделава, намалувајќи ги загубите од почетокот на годината.
„Продажбата на електрични возила во Кина во првата недела од јануари, што се смета за традиционален врв, падна за 20 отсто во однос на истиот месец, што е под процените“, рече Чунг. Тоа може да биде проследено со дополнителен пад од 50 проценти во февруари, бидејќи пазарот влегува во мирна сезона поради тамошните новогодишни празници.
Загриженоста за забавувањето на побарувачката во Кина ги оптоварува производителите на батерии во Азија. „Самсунг“ (Samsung SDI Co.), кој ги снабдува „Фолксваген“ (Volkswagen AG) и „Форд“ (Ford Motor Co.), падна за повеќе од осум проценти неделава поради загриженоста за неговата заработка. Кинескиот литиумски гигант ЦАТ (Contemporary Amperex Technology Co.) исто така се тргува блиску до најниското ниво во последните три години.
„Во 2024 година очекуваме континуирана ценовна конкуренција во форма на попусти и на постојните и на освежените модели, како и лансирање нови модели по поконкурентни цени со понапредни функции“, напишаа во белешка од минатата недела аналитичарите на „Голдман Сакс“ (Goldman Sachs Group Inc.), меѓу кои и Тина Хоу.
