.webp){kind=icon}
Кина објави амбициозни упатства за стандардизирање на индустријата за вештачка интелигенција во земјата. Кинеското министерство за индустрија ги откри своите планови во средата, привлекувајќи меѓународно внимание.
Овој чекор доаѓа откако САД веќе поставија одредени стандарди во регулирањето на вештачката интелигенција, а Кина јасно ја изразува својата амбиција да ја води оваа клучна технолошка област.
Целта на упатствата на кинеското министерство за индустрија, кои ги објави на својата официјална веб-страница, е да се постават повеќе од 50 национални и индустриски стандарди за употребата на вештачката интелигенција до 2026 година. Кина, покрај тоа што повикува на непречено функционирање на домашните компании тесно поврзани со вештачката интелигенција, планира дотогаш активно да учествува во постигнувањето на повеќе од 20 меѓународни стандарди, со што ќе ја потврди својата намера да стане глобален лидер во оваа клучна технолошка област.
Bloomberg
Нацрт-насоките за стандардизација на вештачката интелигенција се фокусираат на искористување на првичните можности во еволуцијата на индустријата за вештачка интелигенција. Министерството посочува дека 60 отсто од тие стандарди ќе бидат насочени кон поддршка на „општи витални технологии и проекти за развој на апликации“, со цел да се обезбеди сеопфатна покриеност на клучните аспекти во развојот на вештачката интелигенција.
Оваа најава на кинеското министерство доаѓа во време кога повеќето западни земји, како Соединетите Американски Држави и Европската Унија, веќе спроведуваат регулативи и упатства за вештачката интелигенција. Кина, сакајќи да го достигне напредокот во САД и во Европа, јасно ја покажува својата намера да стане клучна фигура во глобалниот контекст на вештачката интелигенција.
Американскиот претседател Џо Бајден неодамна го охрабри развојот на стандардите за вештачка интелигенција во САД, според извештајот на „Коингејп“ (CoinGape). Европската Унија исто така постигна значителен напредок со потпишување привремена спогодба за надзор на вештачката интелигенција. Кинеската иницијатива не само што ја потврдува важноста на вештачката интелигенција во глобален контекст туку и поттикнува соработка и дијалог на меѓународно ниво во оваа област на технолошки развој.
