text size
Банката на Јапонија ја зголеми својата референтна каматна стапка и ги претстави плановите за намалување на купувањето обврзници, покажувајќи ја својата решеност да ја нормализира монетарната политика. Овој потег доаѓа само неколку часа пред состанокот на Федералните резерви.
БoЈ ја зголеми референтната стапка на околу 0,25 отсто, со опсег од 0 до 0,1 отсто. Исто така ќе се намали месечното темпо на купување обврзници на околу три трилиони јени (19,6 милијарди долари) до првиот квартал на 2026 година. Неодамнешното темпо на купување беше речиси двојно повеќе од таа сума, објави „Блумберг“.
Bloomberg
Веднаш по одлуката дојде до промена и раст на јапонскиот јен и цената на акцијата скокна за 1,5 отсто. Јапонската валута беше за 0,5 отсто посилна во однос на доларот во 16:12 часот по локално време во Токио, додека гувернерот Казуо Уеда зборуваше на неговата прес-конференција. Приносот на 10-годишната државна обврзница порасна за 1,05 отсто, а приносот на двегодишната го достигна највисокото ниво во последните 15 години.
Одлуката на БоЈ покажа дека ќе продолжи со нормализацијата по неколку години во кои банката спроведуваше исклучително лесна политика, а која во март годинава излезе од циклусот на негативни клучни стапки. Овој потег на БоЈ ги поттикна шпекулациите дека може да има уште едно зголемување годинава.
Уеда рече дека секое дополнително зголемување годинава ќе зависи од податоците и ќе дојде само по процена на влијанието на чекорите што ги презедоа во средата, како и зголемувањето на каматните стапки во март.
На прашањето дали банката може да ги зголеми стапките над 0,5 отсто, Уеда рече: „Ако прашувате дали го гледаме тоа како пречка, навистина не се чувствуваме така“. Тој исто така го наведе слабиот јен како фактор на ризик за зголемување на инфлацијата.
„БоЈ минува низ промена на режимот“, рече Хидео Кумано, економист во институтот за истражување на животот „Даи-Ичи“. „Погледнете го краткиот период помеѓу зголемувањето на стапката во март и ова сега. Тоа покажува дека тие се обидуваат да бидат понапред од кривата на инфлација, што е значајна промена од нивната претходна позиција да бидат зад кривата поради загриженоста за економијата“.
Економистите очекуваат дека американската Фед само в среда ќе објави намалување на каматните стапки за септември, бидејќи макроекономските податоци не се доволно добри за централната банка да почне да ги намалува трошоците за задолжување. Исто така се очекува дека Фед ќе ги намали каматните стапки двапати пред крајот на годината.
Сите коментари од Федералните резерви што навестуваат можност за намалување на стапката би ја поддржале приказната за стеснување на разликата во каматните стапки и веројатно ќе го поддржат јенот. Иако каматната стапка на БоЈ останува ниска според светските стандарди, таа сега е највисока од декември 2008 година.
„Ова е еден од посмелите потези на Банката на Јапонија со оглед на тоа колку ниско ја постави границата“, рече Чару Чанана, шеф на валутна стратегија во „Сахо капитал маркет“ (Saxo Capital Markets). „Сепак, притисокот врз јенот веројатно ќе продолжи доколку Федералните резерви не дадат јасна индикација за намалување на каматните стапки во септември“.
Овој потег само неколку часа пред состанокот на Федералните резерви може да доведе до пресвртница за ослабениот јен, бидејќи трговците очекуваат стеснување на јазот меѓу каматните стапки на САД и Јапонија. Јапонскиот јен доби повеќе од пет отсто овој месец, по многу лошата прва половина од годината, во која ослабе за 12 отсто во однос на доларот.
.webp){kind=icon}
