Лазе Камчев, главен извршен директор на „Генерали инвестментс“ во денешното гостување на телевизијата „Блумберг Адриа“ говореше за монетарните политики во услови на растечка инфлација и влијанието врз меѓународните пазари на капитал.
Тој рече дека за прв пат од минатата година очекувањата за инфлацијата во САД биле повисоки отколку реалниот раст. Според него, тоа е знак дека мерките на американската централна банка ФЕД дале резултати во зауздување на растот на цените, а од друга страна придонес има и намалувањето на цените на суровините, пред се на нафтата.
Камчев, смета дека политиките на ФЕД ќе останат конзистентни односно дека во септември повторно може да се очекува зголемува на основната референтна каматна стапка во САД, но дека поради намалувањето на инфлацијата е можно тоа да биде за 50 базични поени наместо за 75 како што се очекуваше досега.
Тој не очекува дека на краток рок ќе има притисок од цените на суровините врз инфлацијата, бидејќи се очекува стабилизација и намалување. Сепак, остава простор дека растот на цената на струјата и на гасот во изминативе недели спирално се уште не стигнал од производителите до потрошувачите.
Во однос на очекувањата за инфлацијата, Камчев смета дека Европа е во полоша ситуација и се очекува малку повисока инфлација отколку во САД. Тој вели дека европските земји се пред предизвик да обезбедат гас за работењето на компаниите и да одржат позитивни стапка на БДП, а исто така се соочени и со политички проблеми.
.webp){kind=icon}
