„Тесла“ за прв пат го престигна „Ауди“ во глобалната продажба на автомобили

„Тесла“ (Tesla Inc.) го надмина еден од најценетите германски премиум брендови на автомобили минатата година и покрај тоа што продаде помалку возила од очекуваното. „Ауди“ (Audi) на „Фолксваген“ (Volkswagen AG) продаде 1,67 милиони возила во 2024 година, што е за 12 проценти помалку од една година порано. Борбата со засилената конкуренција во Европа и Кина и слабата побарувачка за електричните модели го фрлија брендот зад „Тесла“ на Илон Маск, која испорача 1,79 милиони возила минатата година.

„Тесла“ имаше година која не беше без проблеми. Американската компанија го забележа својот прв годишен пад на испораките за повеќе од една деценија и само тесно ја задржа предноста пред кинеската БЈД (BYD Co.) како најпродаван бренд електрични возила.

Но, брзата експанзија на „Тесла“ во претходните неколку години ја позиционираше компанијата во можност да ги искористи сите пропусти на останатите компании. Нејзиното спортско корисно возило (СУВ) „модел ипсолон“ се рангира меѓу најпродаваните автомобили во светот и добива фејслифт оваа година.

Германските производители на автомобили, во меѓувреме, се борат со слабата побарувачка за луксузни автомобили во Кина, каде закрепнувањето останува неизвесно, а локалните производители дополнително ја зголемуваат конкуренцијата. Во Европа, продажбата на електрични возила е под очекувањата, откако неколку земји ги намалија субвенциите. Проблемите доведоа до бран предупредувања за профитот минатата година, вклучително и од „Фолксваген“, „Мерцедес“ и БМВ.

Продажбата на „Ауди“ падна на пазарите во Германија, Кина и Северна Америка. Испораките на целосно електрични модели се намалија за осум проценти на околу 164.000.

Производителите почнаа да го намалуваат производството како одговор на забавувањето на нивната продажба, при што „Фолксваген“ го намали капацитетот на својата истоимена марка. „Ауди“поради слабата побарувачка за електричното спортско возило „кју 8 е-трон“ планира да затвори локација во Брисел каде што се произведува возилото.

„Ауди“ исто така планира да ги ажурира моделите вклучувајќи ги седанот „A7“ и СУВ-от „кју 3“ оваа година за да ја зајакне продажбата. „Клиентите можат да се радуваат и на бројни нови плаг-ин хибриди“, рече денеска главниот извршен директор Гернот Долнер.

Во моментов нема коментари за веста. Биди прв да коментира...

Остави коментар