Тројца креатори на политиките од Фед во средата изразија загриженост за американскиот пазар на труд, при што нивните изјави упатуваат на можност за намалување на каматните стапки во септември.
Претседателката на Банката на Фед во Сан Франциско, Мери Дејли, изјави дека креаторите на политиките најверојатно ќе треба да ги приспособат каматните стапки во „наредните месеци“ за да се спречи понатамошно влошување на вработувањето.
„Пазарот на трудот ослабна. Ценам дека дополнително забавување е несакано“, наведе Дејли во средата во изјава на настан во Анкориџ, Алјаска. „Сето ова значи дека најверојатно ќе треба да ја приспособиме политиката во наредните месеци“.
Прочитај повеќе
Што ќе се случи ако Трамп го отпушти претседателот на Фед, Џером Пауел?
Последните превирања избувнаа на 16 јули, поради извештаите дека се очекува Трамп наскоро да покрене постапка против Пауел, кој е на нишанот на претседателот затоа што не ги послушал неговите повици за пониски каматни стапки.
17.07.2025
Инфлацијата во САД повторно под очекувањата и покрај притисокот од царините
Базичната инфлација во САД во јуни повторно изненади надолу, покажувајќи помал раст од очекуваното петти месец по ред.
15.07.2025
Што се случува со американските 30-годишни обврзници?
Долгорочните државни обврзници на САД продолжуваат со падот на вредноста
15.07.2025
Панел на најмоќните централни банкари во светот: Ќе паѓаат ли каматите и понатаму?
Централните банкари на ЕУ, САД, Британија, Јапонија и Кореја дискутираа денеска на панел во Синтра, Португалија.
01.07.2025
Нејзините коментари следуваа по изјавата на гувернерката на Фед, Лиса Кук, во Бостон во врска со извештајот за вработеноста за јули, кој вклучи значајни надолни ревизии на податоците за изминатите три месеци. Според неа, овие ревизии се „донекаде типични за пресвртни точки“ во економијата.
Нил Кашкари, претседател на Банката на Фед во Минеаполис, исто така изрази загриженост поради забавувањето што се појавува во повеќе економски показатели.
„Економијата забавува“, изјави Нил Кашкари во интервју за Си-ен-би-си (CNBC). „Во краток рок можеби ќе биде соодветно да се почне со приспособување на федералната основна каматна стапка“, додаде тој, мислејќи на стапката репер на централната банка.
Тој додаде дека сè уште очекува Фед да ги намалат каматните стапки двапати пред крајот на 2025 година. Податоците објавени минатата недела укажуваат на нагло забавување на пазарот на трудот во последните неколку месеци. Во јули работодавците додале само 73.000 нови работни места, што е помалку од очекувањата, а добивките во претходните два месеца беа ревидирани надолу за речиси 260.000, покажуваат податоците на Бирото за трудова статистика. Стапката на невработеност се зголеми на 4,2 отсто во однос на 4,1 отсто во јуни.
Приспособување на политиката
Дејли изјави дека менувањето на каматните стапки би значело „прекалибрирање“ на политиката за подобро усогласување со ризиците поврзани со мандатите на Фед за инфлација и невработеност, кои, според неа, се „приближно избалансирани“.
Сепак, шефицата на Банката на Фед во Сан Франциско истакна дека централната банка сè уште има работа за целосно да ја стабилизира инфлацијата на целните 2 процента. Таа додаде дека царините ќе доведат до зголемување на цените на краток рок, но тој ефект веројатно нема да биде доволно траен за да бара реакција од страна на централната банка.
Претходно неделава Дејли изјави дека најверојатно ќе бидат соодветни две намалувања на каматните стапки годинава, но дека можеби ќе треба да се намалат повеќе од двапати.
Креаторите на политиките ги задржаа каматните стапки непроменети на крајот од јули, а следниот состанок е закажан за септември. По него, во 2025 година преостануваат уште два состанока.
.webp){kind=icon}
Во моментов нема коментари за веста. Биди прв да коментира...