ББА коментар: Кој може да ќари од обновата на Украина?

Американските царини би можеле да ги пренасочат градежните материјали од најголемите светски производители во Европа, со што конзорциумите на европските градежни компании би ги користеле за обновата на Украина. Доколку се воспостави прекин на огнот во Украина, очекуваме тоа да биде главен полигон за градежната активност во Европа. Обновата ќе биде огромен потфат кој ќе бара ангажман на најголемите европски градежни компании. Земјите кои беа најактивни во поддршката на Украина може да имаат предност во изборот на компании при обновата, т.е. фирмите од ЕУ, САД и Велика Британија најверојатно ќе имаат предност. Најдобрата експертиза можат да понудат компании кои имаат искуство со реконструкција во области погодени од војна. Сепак, украинската влада може да склучи и посебни договори со одредени земји, што може да влијае на изборот на изведувачи.

Ако се ограничиме на Европа само поради логистичките фактори и „преокупираноста“ на американските компании со обновата на Калифорнија и најавените инфраструктурни инвестиции, од европските земји доаѓаат водечки светски градежни кои имаат капацитет и искуство неопходни за реализација на големи проекти за реконструкција. На пример, „Винчи и Бојгес Констракшн“ (Vinci and Bouygues Construction) од Франција, „АЦС Груп“ (ACS Group) од Шпанија, „Страбаг“ (Strabag) од Австрија, „Сканска“ (Skanska) од Шведска итн. Нивното специфично учество во обновата на Украина зависи од многу фактори, вклучувајќи ги условите на теренот, достапноста на финансиите и резултатите од меѓународните тендери. Прашањето за финансирање останува отворено, но ЕБОР планира да инвестира најмалку 1,5 милијарди евра со фокус на енергетскиот сектор и инфраструктурата, што всушност е капка во океанот средства потребни за реконструкција на Украина. Покрај ЕБОР, потенцијални извори на финансирање се и други меѓународни финансиски институции како што се ММФ, Светска банка и фондовите на ЕУ.

Ако го погледнеме вториот ред на компании/индустрии кои ќе имаат корист од реконструкцијата на Украина, тоа се недвосмислено производителите на челик, алуминиум, цемент и други градежни материјали. Неодамнешното воведување тарифи за овие производи од страна на САД, исто така, оди во корист на земјите што ги произведуваат овие материјали. Канада, Мексико, Бразил и Кина сега можат да го пренасочат својот челик и алуминиум кон украинската обнова. Цените на челикот паднаа за 18 проценти во последната година поради недостатокот на побарувачка од Кина, па тие би можеле да закрепнат доколку започне обновата. Исто така, цементот од Кина, како најголем производител, може да се насочи и кон Украина бидејќи кинеската градежна индустрија е во неволја во последните години. Поради оваа причина, како и намалувањето на активноста по пандемијата, цената на цементот е два пати пониска отколку во 2021 година. Ги имаме и компаниите „Холцим АГ“ (Holcim AG) и „ЦХР ПЛЦ“ (CHR PLC), како и Турција како голем европски производител чиј цемент може да се најде во украинските капацитети.

Индексот UBXERCON на УБС (UBS) ги следи перформансите на компаниите кои би имале корист од закрепнувањето и се зголеми за 17 отсто од почетокот на годината. Индексот вклучува компании од индустрии кои директно и/или индиректно би биле поврзани со реконструкцијата – „Сименс“ (Siemens Energy AG), „Холцим“ (Holcim AG), „Шнајдер“ )Schneider Electric SE), „ЦРХ ПЛЦ“, „Рајфајзен Бенк“ (Raiffeisen Bank International AG), „Будимекс“ (Budimex SA) итн.