.webp){kind=icon}
Со брзина од 412 километри на час, „римац невера“ (Rimac Nevera) стана најбрзиот сериски електричен автомобил во светот. Таа брзина ја достигна на крајот на октомври, на патеката за тестирање автомобили во Папенбург, објави во вторникот „Бугати Римац“ (Bugatti Rimac).
Титулата за најбрз сериски електричен автомобил во светот, „невера“ ја доби откако минатата година ја потврди титулата за најбрзо забрзување кај сериски автомобил во светот, соборувајќи го рекордот со забрзување од 8,582 секунди во четвртина милја.
Од компанијата објаснуваат дека патеките на кои може да се достигне брзина поголема од 400 километри на час се многу ретки, бидејќи многу ретко се случува автомобил воопшто да достигне толку голема брзина. Затоа, тие барале патека во овална форма со доволно долги прави делници, па решиле брзината да ја верификуваат на патеката Аутомотив тестинг Папенбург во Германија.
Bloomberg
„'Невера' е поставена во таканаречениот режим Top Speed, создавајќи аеродинамичен профил што ги балансира отпорот и потиснувањето за да обезбеди стабилност при големи брзини. Опремен со гуми ’мишелин кап 2Р’, кои се дозволени на патиштата и под надзор на техничар од ’Мишелин’ (Michelin), кој ја провери нивната состојба, автомобилот беше подготвен да постави рекорд“, се нагласува во соопштението од „Бугати Римац“.
Тие наведоа уште неколку технички детали, како на пример дека брзината се мери со помош на Racelogic V-Box, високопрецизен уред за мерење базиран на GPS. Брзината од 412 километри си ја поставија како цел од „Римац“ кога го претставија автомобилот на Саемот за автомобили во Женева во 2018 година, како C_Two. Како што велат, таа брзина ја развиле по 1,6 милион часа развој.
Bloomberg
„Патувањето со брзина од 412 километри на час значи патување со една третина од брзината на звукот. Постигнувањето на таа брзина со патнички автомобил е неверојатно сложено, но со 'невера' создадовме автомобил што може да патува на долги растојанија со едно полнење, може да се справи со тесните тркачки патеки со остри свиоци и може да 'дрифта', како и да соборува рекорди за забрзување и да достигне брзина од над 400 километри на час. Ја возев 'невера' откако за првпат го сврте тркалото и да го видам автомобилот целосно комплетиран како што е денес, што е навистина емотивен момент“, изјави Мирослав Зрнчевиќ, главен возач за тестирање и развој во „Бугати Римац“.
Компанијата забележува дека „невера“ за клиентите се испорачува со ограничување на брзината од 350 километри на час. Производството на автомобилот моментално се одвива во седиштето на „Римац“ во Јанкомир, а првите автомобили се веќе кај купувачите низ светот.
