.webp){kind=icon}
Охрабрени од добрите деловни резултати на компаниите, индексите на Волстрит во понеделникот остварија добивка, а во вторникот со истиот тон започна и тргувањето на азиските берзи.
Индексот S&P 500 зајакна 1,2 отсто, технолошкиот Nasdaq за 1,1 отсто, а Dow Jones го заврши денот посилен за 1,34 отсто.
Петтина од компаниите во индексот S&P 500 досега ги објавија своите резултати за првите девет месеци од годинава, а меѓу нив повеќе од половина постигнаа резултати подобри од очекуваните. Компании како Microsoft, Amazon, Alphabet и Apple ќе ги објават своите резултати оваа недела.
Производителот на ајфон (iPhone) ја зголеми цената на претплатата за музика и ТВ услуги, наведувајќи ги како причина зголемените влезни трошоци.
Bloomberg Chartmaker
Пазарите во Јапонија и Австралија во вторникот ги пресликуваат силните перформанси од САД од понеделникот. Само кинескиот пазар доживува нестабилност предизвикана од несигурноста на инвеститорите поради зајакнувањето на моќта на претседателот Си Џинпинг, што, според нив, може да го ослабне растот и да ја дестабилизира геополитичката ситуација.
Еврото порасна за 0,1 отсто повеќе во однос на доларот, а цената на барел американска сурова нафта West Texas Intermediate (WTI) порасна за 0,4 отсто на 84,93 долари.
