Лондон веќе не е на тронот на најголемите европски берзи, сега приматот го презеде Париз. Загриженоста за економскиот раст влијае на средствата во Обединетото Кралство (ОК), додека во исто време олеснувањето на ограничувањата за Ковид-19 во Кина ги зајакнува француските луксузни акции.
Според индексот составен од Bloomberg, комбинираната пазарна капитализација на примарните котации во Париз ја надмина лондонската капитализација изразена во долари. Акциите во ОК, фокусирани на домашниот пазар годинава доживеаа пад, додека француските производители на луксузни стоки, како што се францускиот луксузен конгломерат LVMH (Moët Hennessy Louis Vuitton) и „Керинг“ (Kering), сопственик на модниот бренд „Гучи“ (Gucci), неодамна беа поттикнати од оптимизмот за можното олеснување на ковид-рестрикциите во Кина.
Движењето на валутите исто така беше од корист за Париз бидејќи фунтата годинава падна за 13 отсто во однос на доларот, додека еврото ослабе само за девет отсто.
Прочитај повеќе
Богатите не знаат за криза - цвета продажбата на луксузни стоки
Богатите клиенти трескавично купуваат чанти, часовници, накит, кожени производи, но и луксузни автомобили.
14.10.2022
Луксузните брендови недопирливи за 'обичната' економија
„Луксузот не е релевантен претставник на општата економија“, рече неодамна Жан-Жак Гиони, главниот финансиски директор на LVMH (Moet Hennessy Louis Vuitton SE).
29.10.2022
Пад на британскиот берзански пазар во долари / Bloomberg
Британските трговци со средна пазарна капитализација годинава беа засегнати од предвидувањата дека Британците ќе бидат посилно погодени од зголемените трошоци за енергија, во однос на другите. Британските сопственици на куќи, исто така, се соочуваат со зголемени плаќања на камати за хипотека, поради масовното издавање на кредити со флексибилни стапки.
Во споредба со референтната вредност MSCI World, тргувањето на индексот со средна капитализација FTSE 250 е намалено за 30 отсто, што е највисоко од т.н. dotcom период, односно периодот од почетокот на 2000 година, се наведува во извештај на „Голдман Сакс“ (Goldman Sachs). „Сметаме дека ова намалување на рејтингот е сосема заслужено со оглед на слабата перспектива за економскиот раст на Обединетото Кралство, јачината на фунтата и надолните ризици“, вели аналитичарката Шерон Бел.
Јазот меѓу британските и француските берзи се намалува откако Британците гласаа за напуштање на Европската унија во 2016 година. Сепак, не сите вести за акциите во Обединетото Кралство се негативни бидејќи послабата фунта ги поттикнува перформансите на големите пазарни капитализации во земјата. FTSE 100 годинава е намален за само 0,2 проценти, во споредба со падот од 17 проценти на FTSE 250.
.webp){kind=icon}