.webp){kind=icon}
Распродажбата на глобалните акции се продлабочува поради зголемената загриженост за американската економија.
Фјучерсите на американските акции паѓаат, следуваа и европските акции, при што Stoxx 600 падна дури за 3,2 отсто.
Пазарите се надоврзуваат на облозите дека централните банки ќе ги намалат стапките.
Распродажбата во различни класи на средства на глобалните пазари во понеделникот доведе до пад на цените, додека расте загриженоста за иднината на американската економија. Инвеститорите го губат апетитот за ризик и бараат побезбедни засолништа за инвестирање.
Акциите на врвните американски компании ја отворија неделата со голем минус
Акциите на најголемите американски компании паѓаат на германскиот „Трејдгејт“ (Tradegate), при што „Енвидија“ (Nvidia) ја предводи групата на седумте величествени со најголем пад, додека фјучерсите на американските акции паѓаат, пишува „Блумберг“ (Bloomberg).
„Енвидија“ падна дури за 17 проценти на „Трејдгејт“, а меѓу другите компании што паѓаат се: „Епл“ (10 проценти), „Мајкрософт“ (9 проценти), „Алфабет“ (9,6 проценти), „Амазон“ (9,3 проценти), „Мета“ (10 проценти) и „Тесла“ (10 проценти).
Повеќе прочитајте на овој ЛИНК.
Очекувања од Федералните резерви
Нестабилноста на пазарот ги натера инвеститорите да ги заштитат обврзниците и доларот, бидејќи трговците очекуваат олеснување од 137 базични поени од страна на американската централна банка на нејзините преостанати три состаноци годинава, што навестува најмалку две намалувања на стапката за 50 базични поени.
Случувањата на пазарите ги убедија инвеститорите дека Федералните резерви (Фед) ќе мора да дејствуваат порано од очекуваното. Движењата на пазарот на свопови покажуваат (со 60 проценти веројатност) дека Фед би можел да ги намали каматните стапки за 25 базични поени на вонредна седница. Бидејќи последната средба беше пред само неколку дена, ова предизвикува загриженост.
Биткоинот слабее, етерот падна најмногу од 2021 година
Криптовалутите паднаа во понеделникот поради поширокиот пад на апетитот за ризик на глобалните пазари. Цената на биткоинот падна за повеќе од 14 отсто, а второрангираниот етер го забележа својот најголем пад од 2021 година.
Повлекувањето на највредната криптовалута, биткоинот, на 50.900 долари во 7:20 часот во Лондон дојде по падот од 13,1 отсто минатата недела, најлошите перформанси по крахот на берзата FTX. Етерот изгуби повеќе од една петтина од својата вредност пред да достигне 2.286 долари. Повеќето од повредните криптовалути беа длабоко во црвено.
Падот доаѓа откако глобалната распродажба на акциите се интензивира, што ја одразува загриженоста за економските изгледи и прашањата за тоа дали големите инвестиции во вештачката интелигенција (ВИ) ќе ги исполнат помпезните ветувања. Геополитичките тензии растат на Блискиот Исток, зголемувајќи ја нервозата кај инвеститорите.
Повеќе прочитајте на овој ЛИНК.
