.webp){kind=icon}
Министерство за финансии подготвува два нови закони со кои ќе биде заменет постојниот Закон за хартии од вредност и се создава потенцијал за развој на пазарот на капитал.
Во подготовка е нов Закон за финансиски инструменти кој треба овозможи сите финансиски инструменти што се достапни за инвеститорите на меѓународните пазари да бидат препознаени и на домашниот пазар. Се предвидува лиценцирањето и организациските барања за брокерските куќи (инвестициски друштва) да се врши според стандардите на ЕУ. Освен Берзата (пазарниот оператор) ќе може да се основаат нови платформи за тргување како Мултилатерална платформа за тргување и Организирана платформа за тргување. Со предлог-законот се зголемуваат и овластувањата на Комисијата за хартии од вредност.
Во процес на подготовка во Министерството за финансии е и нов Закон за проспект и обврски за транспарентност на издавачите на хартии од вредност. Во него се уредува проспектот кој ќе биде составен од повеќе документи и, како што најавуваат од Министерството, ќе ја олесни постапката за издавање на хартии од вредност на издавачите.
Прочитај повеќе
Директорот Ефтимоски продава свои акции во Стопанска банка Битола
Станува збор за 1,52 проценти од вкупниот број акции на банката
01.03.2023
„Макпетрол“ лани оствари добивка од 20,9 милиони евра
Вкупните приходи во 2022 година бележат раст и ги надминуваат и предпандемските нивоа, во најголем дел поради зголемувањето на цените на нафтените деривати
28.02.2023
Четири важни настани ќе го одредат движењето на пазарот на акции
После заживувањето во јануари, берзата уназади во февруари, но прашањето е што ќе биде сега.
06.03.2023
„Кога издавач еднаш веќе добил одобрение од Комисијата за документот за регистрација како составен дел од проспектот, при наредното издавање на хартиите од вредност до Комисијата, ќе треба да достави на одобрување само белешка за хартиите од вредност и резиме на проспектот. Предлог-законот ќе обезбеди повисоко ниво на заштита на инвеститорите, со што ќе се зголеми довербата на националните и на меѓународните инвеститори и ќе се стимулира нивното поактивно учество што позитивно ќе влијае на националната економија“, се вели во објаснувањето на Министерството за финансии во објавата на ЕНЕР.
Според најавата, со овој закон ќе се уреди можноста за издавачите на хартии од вредност да издаваат проспект како единствен документ, или како проспект составен од повеќе документи, како што се документ за регистрација, белешка за хартиите од вредност и резиме на проспектот.
„Ќе се овозможат највисоки стандарди за заштита на инвеститорите во согласност со Европската Унија во делот на обелоденување на информациите од страна на издавачите со користење на идентичен систем за објавување на податоци од страна на издавачите“, велат од Министерството.
