„Реплек“ наместо „УНИ Банка“ во МБИ10

Комисијата за берзански индекс при Македонската берза изврши редовна ревизија на индексите МБИ10 и ОМБ. Од берзата соопштија дека согласно методологијата за пресметување на индексот МБИ10, Комисијата за берзански индекс определи дека елементи на индексот МБИ10 ќе бидат обичните акции издадени од: „Комерцијална банка“ АД Скопје, „Гранит“ АД Скопје, „Алкалоид“ АД Скопје, „Макпетрол“ АД Скопје, „Македонијатурист“ АД Скопје, „Македонски Телеком“ АД Скопје, „НЛБ Банка“ АД Скопје, „Стопанска банка“ АД Скопје, „ТТК Банка“ АД Скопје и „Реплек“ АД Скопје. Со ревизијата, „Реплек“ е ново име меѓу компаниите кои се дел од МБИ10 и го зазеде местото на „УНИ Банка“. 

Инаку, од берзата информираа и дека Комисијата за берзански индекс определи дека елементи на ОМБ ќе бидат обврзниците за денационализација-осумнаесетта емисија (RMDEN18), обврзниците за денационализација-деветнаесетта емисија (RMDEN19), обврзниците за денационализација-дваесетта емисија (RMDEN20), обврзниците за денационализација-дваесет и прва емисија (RMDEN21) и обврзниците за денационализација-дваесет и втора емисија (RMDEN22).

„Датум на имплементација на извршената ревизија, односно датумот од кој ќе отпочне да се пресметуваат индексите по новиот состав е 30.12.2024 година. Следната редовна ревизија на индексите е на 15.06.2025 година“, соопшти берзата.

Во моментов нема коментари за веста. Биди прв да коментира...

Остави коментар