text size
Берзанските индекси во регионот Адрија го продолжија својот раст од почетокот на годината, надминувајќи ги повеќето индекси во Централна и Источна Европа (ЦИЕ). Единствениот индекс што покажува негативни перформанси е BIRS, што ја одразува загриженоста за превреднување. Позитивното расположение околу умерениот реален економски раст се пренесе во подобри резултати за компаниите.
Целата анализа прочитајте ја на „Блумберг Адрија инсајт“
Во однос на обврзниците, премијата за ризик опадна од почетокот на годината до денес во споредба со германскиот репер, што дополнително ги сигнализира добрата форма на регионалните економии и подобреното расположение на инвеститорите кон обврзниците во регионот Адрија.
Прочитај повеќе
Кои акции од МБИ10 имаат најголем раст во 2024 година?
„Македонијатурист“ предводи со раст на просечната цена на акциите од 88,5 проценти.
16.10.2024
Македонскиот МБИ10 меѓу топ пет индекси во светот по остварениот раст
Со раст на вредноста од 40,12 проценти, МБИ10 го зазеде четвртото место меѓу вкупно 353 берзански индекси.
10.09.2024
Македонскиот МБИ10 меѓу топ пет индекси во регионот ЕМЕА по приносот
На првите три места на листата на „Блумберг“ доминираат берзанските индекси кои вклучуваат компании од Турција односно од истанбулската берза.
22.07.2024
Капитал
MBI10 моментално води со приближно 43 проценти раст од почетокот на годината, следен од BELEX15 со 30,5 проценти и SBITOP со 28 проценти. SASX10, кој имаше негативен учинок во првата половина од 2024 година, стана позитивен поради силните перформанси на „Творница цемента Какањ“ (+76,4 проценти од почетокот на годинава). Растот на MBI10 првенствено е поттикнат од високите перформанси на „Македонијатурист“ (компанија од областа на туризмот), како и обидот на „Комерцијална банка“ да ја консолидира „Стопанска банка Битола“ (иако на крајот не успеа), што ги турна акциите на другите банки нагоре.
Подемот на SBITOP е поддржан од силниот приказ на НЛБ и пресвртот во бизнисот на „Цинкарна Целје“. Растот на BELEX15 во голема мера ѝ се припишува на консолидацијата на сопственоста во „Месер“. Во меѓувреме, CROBEX10 е поддржан од „Кончар групацијата“ и „Кончар дистрибутивни и специфични трансформатори“, кои имаат корист од рекордните заостанати нарачки поттикнати од зелената транзиција. Во однос на вреднувањето, CRO10 и MBI10 моментално се тргуваат на повисоки нивоа во споредба со другите индекси, иако има поединечни акции што сепак би можеле да забележат дополнителни добивки, како што се „Кончар“ или банкарскиот сектор во С. Македонија. Индексите на БиХ, од друга страна, се преценети со години, за што сведочат нивните слаби перформанси. Спротивно на тоа, SBITOP и BELEX15 остануваат потценети, со P/E (од англиски: price to earnings ratio) и P/S (од англиски: price to sales ratio) сè уште под медијаната на групата. Дополнително, индексите на ЦИЕ остануваат потценети во анализираната група и има простор за раст на полските, унгарските и бугарските индекси, како што истакнавме и во претходниот извештај за пазари користејќи ги моделите за вреднување на Фед и БЕЕР.
Обврзници
Со постепеното ублажување на инфлацијата и, следствено, монетарното опуштање, приносите во регионот Адрија се стабилизираа во втората половина на 2024 година. Имено, по очекувањата на Србија за надградба на инвестициска оценка (што се случи во октомври 2024 година), десетгодишниот принос падна за приближно 60 б.п. Премијата за ризик (распон) во однос на германскиот репер е умерено намалена.
Како резултат на тоа, Хрватска и Словенија сега се споредливи со Шпанија во однос на распонот и очекуваме постепено приближување кон португалските нивоа. Во меѓувреме, Србија се задолжува со пониски стапки од Романија, и покрај тоа што Романија е членка на ЕУ со инвестициски рејтинг. Тоа ја одразува поголемата доверба на инвеститорите во економските изгледи на Србија, особено кога Романија се бори со постојан двоен дефицит и ограничена фискална консолидација веќе неколку години.
Очекувања
До крајот на 2024 година очекуваме континуиран раст на берзанските индекси во регионот Адрија, поддржан од поволните макроекономски показатели во поголемиот дел од регионот. Сепак, темпото на раст може да се ублажи поради зголемените вреднувања, особено во С. Македонија и во Хрватска. За резултатите од третиот квартал очекуваме котираните компании да ги надминат минатогодишните бројки, што исто така треба позитивно да влијае на перформансите на индексите.
На пазарот на обврзници предвидуваме континуиран мал пад на приносите, тренд забележан од средината на годината. Тоа е поттикнато од централните банки, кои продолжуваат со намалување на каматните стапки и намалување на премиите за ризик. Дополнително, Србија, која неодамна обезбеди рејтинг за инвестициска оценка од „Стандард и Пурс“, најверојатно ќе добие слични надградби од другите две големи кредитни агенции во наредните месеци.
