Крипто

Крипто компанија нуди награди за хакерите кои ѝ 'збришаа' 190 милиони

Извор: Joanna Ossinger/Bloomberg

05. Август 2022, 14:51

Сите што ќе вратат 90 отсто од она што го собрале ќе може да го задржат остатокот

Тие ќе се сметаат за етички хакери и нема да бидат кривично гонети

Крипто компанија нуди награди за хакерите кои ѝ 'збришаа' 190 милиони

Bloombeg Mercury

Компанијата за криптовалути „Номад“ (Nomad) нуди награда за враќање на средствата по хакирањето „тешко“ 190 милиони долари што повторно ги истакна безбедносните пропусти во секторот за дигитални токени.

„Секој што ќе врати најмалку 90 отсто од украдените токени ќе се смета за таканаречен 'хакер со бела капа' кој се обидува да ги нагласи пропустите во безбедноста наместо да оствари злонамерни придобивки“, се вели во соопштението на Nomad. Останатите 10 oтсто ќе станат негова награда.

„Нема да ги гониме белите капи“, рече во изјава Пранај Мохан, главен извршен директор на Nomad. „Но, ќе продолжиме да работиме со нашите партнери, разузнавачки фирми и органите на прогонот за да ги гониме сите други злонамерни актери во најголеми размери кои ги дозволува законот“.

 

 

Nomad е „бриџ протокол“ (bridge protocol), алатка за пренос на токените низ блокчејнови, со цел да се направат различните мрежи интероперабилни. Мостовите станаа една од слабите точки на крипто секторот по бројните хакерски напади - од нив беа извлечени токени во вредност од околу 2 милијарди долари во 2022 година, проценува консултантската компанија „Чејналисис“ (Chainalysis).

Nomad досега поврати околу 20 милиони долари од износот од 190 милиони, покажуваат податоците од „Етерскен“ (Etherscan), платформа за анализа на блокчејнот „Етериум“ (Ethereum), како и според проценките на давателот на мостот.

Nomad соопшти дека работи со специјалистот за криптофорензика TRM Labs и со органите за спроведување на законот за да се идентификуваат хакерите. Компанијата, исто така, соработува со крипто платформата Anchorage Digital за прифаќање и заштита на повратните средства.

Во хакерски напад испразнети илјадници крипто-паричници

Нападот на Nomad се случи претходно неделава. Крипто индустријата доби уште една модринка набргу потоа, кога хакери го нападнаа екосистемот „Солана“ (Solana) во средата, при што беа погодени илјадници крипто-паричници.

Сите новости од рубриката Пазари

Пазари

сите новости од рубриката Пазари