Дизелот поскапува за 5,50 денари, а бензините за 1,50 денари

Регулаторна комисија за енергетика, водни услуги и услуги за управување со комунален отпад донесе одлука за зголемување на цените на нафтените деривати во Македонија со која малопродажните цени на бензините се зголемуваат за 1,50 денари по литар, а на дизелот за 5,50 денари по литар.

Од полноќ, малопродажната цена на еуросупер БС-95 ќе изнесува 87 денари за литар, додека малопродажната цена на еуросупер БС-98 ќе изнесува 89 денари за литар. Малопродажната цена на еуродизел (Д-Е V) ќе изнесува 88 денари за литар.

Малопродажната цена на екстра лесното масло за домаќинство (ЕЛ-1) се зголемува за 4,50 денари по литар и ќе изнесува 86 денари за литар.

Малопродажната цена на мазутот М-1 НС, се зголемува за 0,938 денари по килограм и ќе изнесува 42,168 денари за килограм.