Неделното тргување започна со црвенило на берзите

Акциите во Азија тешко успеваа да ги засилат темпото на тргување и својата вредност, а американските акции осцилираа бидејќи на пазарот и натаму владее негативното чувство и стравот дека светските централни банки ќе продолжат да ги покачуваат каматните стапки додека не се скроти инфлацијата. А, сето тоа го зголемува ризикот од рецесија.

Акциите во Јапонија пораснаа малку, а во Хонгконг и Австралија паднаа. Тргувањето во Азија стивна поради празникот во Сиднеј и Јужна Кореја, како и поради еднонеделното затварање на конеските пазари.

Нафтата се тргува на ниво од околу 82 фолари за барел поради тоа што Организацијата на земји извознички на нафта и нивните сојузнички (ОПЕК+) размислува да го намали производството за повеќе од милион барели на дневно ниво за да се прекине падот на цената на нафтата. Претставницирњ на земјите од ОПЕК+ ќе се состанат во текот на неделава. Ваквите потези го зголемуваат ризикот за поголема инфлација што, пак, може да ги поттикне централните банки да преземат натамошни агресивни мерки.

Фунтата повторно падна, а европските договори за купопродажба на акции загубија повеќе од 2 проценти од својата вредност на почетокот од овонеделното тргување. Тоа беше проследено дури и со слабо тргување, со политичките и економски превирања во Обеединетото Кралство, а свое влијание имаат и предизвиците со кои се соочува „Credit Suisse Group“.

Големата внимателност на почетокот на тргувањето неделава доаѓа откако американските акции го регистрираа свејот трет последователен квартален пад, што претставува прва таква серија од 2009 година. 

Помалите приноси од трезорските обврзници паднаа и двегодишните обврзници сега имаат принос од 4,2 отсто, а 10-годишните 3,8 проценти. Доларот добро се држи.

„Случувањата од минатата недела ги зајакнаа нашите очекувања дека ќе видиме натамошно заострување на финансиските услови“ напиша Ебрахим Рабари, валутен аналитичар во “Citigroup Inc“.

Инвеститорите сега ги чекаат податоците за работни места, кои што треба да бидат објавени неделава. Тие треба да претставуваат натамошен показател за делувањето на американските Федерални резерви (ФЕД) во врска со подигнувањето на каматните стапки. Одлуки за каматните стапки се очекуваат и во Австралија и Нов Зеланд.