text size
Европската комисија (ЕК) предложи итно сопирање на цените на природниот гас над сегашните ценовни нивоа, бидејќи се обидува да ја ограничи економската штета од руската ограничена испорака на енергија.
По неколкумесечни расправии и поделби во блокот, ЕК предложи ограничување од 275 евра за мегават-час. Тоа е многу над сегашните нивоа, кои се движат околу 120 евра, што го наметнува прашањето дали некогаш ќе се активира оваа мерка.
„Тоа не е сребрен куршум, туку моќна алатка што можеме да ја користиме кога е потребно“, рече Кадри Симсон, еврокомесар за енергетика. На предлогот сè уште му треба одобрение од националните влади, но доаѓа по неколкумесечно лобирање од страна на некои земји-членки, за да ги зауздат енергетските трошоци што беа погубни за делови од европската економија. Додека цените се намалија во последните недели, Москва се закани дека дополнително ќе го притисне протокот на гас во Европа, зголемувајќи ја можноста за нов скок на цените.
Алатката ќе се користи само ако фјучерсите на холандската фирма за пренос „Титл трансфер“ (Title Transfer) надминуваат 275 евра за период од две недели и ако јазот меѓу цените на ТТФ и течниот природен гас е поголем од 58 евра за десет трговски дена. Дури и во екот на кризата во летото, цената не се задржа над тоа ниво две недели, што укажува на тоа дека алатката немаше да се активира доколку беше во сила тогаш.
Bloomberg Mercury
Еврокомесарот за енергетика Симсон рече дека механизмот е дизајниран превентивно со идеја дека екстремните ситуации забележани претходно оваа година може да се вратат. Трговците и креаторите на политиката се обидуваат да разберат дали Русија целосно ќе го прекине својот последен преостанат проток од гасоводот до Западна Европа преку Украина. Русија веќе соопшти дека ќе го ограничи снабдувањето дополнително од следната недела поради расправијата за протокот кон Молдавија.
Додека Европа ги наполни резервите на гас за оваа зима и топлото време ја олесни потрошувачката на резервите, континентот сега се соочува со можноста да мора да ги наполни складиштата за следната зима без руски гас. Фокусот сега е префрлен на следната година.
Бавен почеток
Европа е поделена за тоа како да се справи со кризата и се бореше да спроведе мерки што можат да ги издржат сите членки. Со оглед на тоа дека блокот се двоумеше, Германија продолжи со сопствената програма за ублажување на последиците кај потрошувачите, што ги налути соседите, кои повикаа на обединет пристап.
ЕУ веќе се придвижи кон ограничување на побарувачката, а дизајнира и мерки за владите да можат да воведат вонредни даноци за компаниите што остваруваат екстра-профит од енергетската криза, за да го олеснат товарот на домаќинствата. Но досега не успеа да спроведе никаков вид ограничување, и покрај повеќемесечните самити и преговори.
Земјите предводени од Италија, Полска, Грција и Белгија побараа акција од ЕК пред одлуката за поширок пакет за зауздување на зголемените цени на бензинот, очекувана за в четврток. Шефовите на владите на блокот минатиот месец едногласно ја повикаа извршната власт да предложи мерки, вклучувајќи и привремен „динамичен ценовен коридор“ за трансакциите со гас.
Комисијата, која веќе подготвува легислатива во блокот, беше свесна за ризиците што може да ги предизвика ограничувањето на цените во делот на безбедноста во снабдувањето, исто како што државите се обидуваат да го заменат рускиот гас со други извори. Германија исто така изрази таква загриженост. Предлогот треба прво да биде разгледан од министрите за енергетика, на нивниот итен состанок в четврток во Брисел. Националните влади имаат право да предлагаат измени на регулативата.
.webp){kind=icon}
