Европската Унија (ЕУ) расправа за ограничување на цените на руската нафта меѓу 65 и 70 долари за барел, според извори упатени во тоа прашање.
Опсегот е значајно над руските трошоци за производство и е поголем отколку што бараа некои земји. Со оглед на тоа дека Русија веќе ја продава својата сурова нафта со намалени цени, високата горна граница може да има минимално влијание врз трговијата.
Се очекува дека земјите од Г7 ќе се одлучат за цена меѓу 65 и 70 долари, велат некои луѓе, но неколкумина дипломати од ЕУ рекоа дека предложеното ниво е превисоко. Опсегот е во согласност со историскиот просек пред инвазијата.
Високи функционери од ЕУ ќе се состанат денеска за да го одобрат механизмот за ограничувања и предложените ценовни нивоа. Ако го сторат тоа, ЕУ и Г7 може да го објават нивото на ограничување на цените подоцна во текот на денов, велат изворите. За одобрување на ограничувањето е потребна поддршка од сите државни лидери.
Цената на нафтата падна откако „Блумберг“ објави за предложениот опсег.
„Руската нафта моментално се тргува со значајно намалување во споредба со нафтата брент, на ниво од околу 65 долари за барел. Ако се ограничат цените на Г7 за руската нафта на слично ниво, тоа не би ѝ наштетило на Русија“, рече Симоне Таљипјетра, виша соработничка во „Бругел“ (Bruegel), тинк-тенк во Брисел.
Целите на ограничувањата на цените секогаш беа двосмислени. САД сакаа да обезбедат руската нафта да продолжи да тече, а истовремено да се намалат приходите на Москва. Санкциите од ЕУ во почетокот беа повеќе насочени кон намалување на приходите на Москва поради инвазијата на Русија врз Украина. Резултатот од договорената горна граница беше ублажување на влијанието на претстојните санкции од ЕУ.
За да се компензира развојниот план, советот на земји од ЕУ, вклучувајќи ги и Полска и балтичките држави, се залага за нов пакет санкции на ЕУ кон Русија, што се гледа како можна опција.
Ограничувањето на цените би им забранило на компаниите за осигурување и услуги да вршат посредувања и финансиска помош потребни за реализација на транспортот на руската нафта каде било во светот, освен ако нафтата се продава под договореното максимално ценовно ниво. Планот за ограничувања, кој го предводи Г7, има две цели: да го задржи протокот на руска нафта за да ги избегне глобалните скокови на цената, додека во исто време ги ограничува приходите на Москва.
ЕУ, исто така, предложи одреден период на одложување на својата последна верзија на законот за ограничувања, а значајно ги намали и казните за одредбите.
ЕУ сака да го ублажи планот за ограничување на цената на руската нафта пред одобрувањето
Најновиот предлог ублажува неколку елементи од ограничувањата што се поставени во најновиот пакет санкции од блокот, вклучувајќи ги и тие што може да значат трајно ограничување за бродовите што превезуваат руска нафта над горната граница на цената. Казните за тие бродови сега би биле ограничени на период од 90 дена и би се однесувале единствено на руската нафта.
Унијата, исто така, предложи и да се додаде период за приспособување од 45 дена од воведувањето на ограничувањата, според документот во кој „Блумберг“ имаше увид. Предложениот период би се однесувал на нафтата што веќе е натоварена на бродовите пред 5 декември, датумот кога санкциите за нафта би требало да стапат во сила, а ќе мора да бидат истоварени најдоцна до 19 јануари, ускладувајќи ја ЕУ на тој начин со клаузулата што претходно ја најавија САД и Обединетото Кралство.
Поголемиот дел од земјите од Г7 и ЕУ планираат оваа година да престанат да увезуваат руска сурова нафта. Одредбите за рафинираната нафта на деривати, вклучувајќи ги и ограничувањата на тие цени, треба да стапат во сила во февруари.
.webp){kind=icon}
Во моментов нема коментари за веста. Биди прв да коментира...