Дипломатите на Европската Унија (ЕУ) уште преговараат за цената со која би го ограничиле извозот на руската сурова нафта, а се очекува дека ќе се пронајде износ околу кој може да се договорат.
Но во врска со санкциите што би требало да започнат в понеделник, на 5 декември, постои сè поголема итност да се склучи договор. И се поставува прашањето што ако не можат да се договорат навреме. Во тој случај ќе стапат во сила предвидените санкции. Тоа веројатно би било позитивно за нафтата, бидејќи тие мерки изгледаат многу порестриктивно за рускиот извоз.
Ограничувањето на цената е осмислено како своевидно отстапување од строгите европски санкции, а еден од неговите темели е целта да се задржи дотокот на руска нафта. Ако пропаднат преговорите, според зададената позиција, компаниите нема да имаат пристап до европско или британско осигурување кога ќе транспортираат руска нафта каде било во светот. Барем во теорија, на европските нафтени танкери, вклучувајќи ја и огромната грчка флота, би им се допуштило да испорачуваат барели за Москва. Но недостигот од осигурување претставува голема пречка во трговијата.
Ограничувањето, кое го предложи САД претходно и кое начелно го усвои Г7, има цел да ги ублажи тие мерки. На компаниите ќе им се дозволи пристап до опрема и осигурување, како и други клучни услуги, под услов да покажат дека плаќаат под потребното ниво на цена за руската нафта. Ако се плати повеќе од предвидената горна граница, ниту грчката флота ниту европското или британското осигурување нема да бидат достапни. Обединетото Кралство е важно бидејќи 95 проценти од покритието за излевање нафта или судир се насочени преку меѓународната група на клубови P&I во Лондон.
.webp){kind=icon}
Во моментов нема коментари за веста. Биди прв да коментира...