.webp){kind=icon}
Цените на нафтата паднаа поради стравувањата дека мерките за заживување на кинеската економија можеби нема да го имаат очекуваниот ефект.
Суровата нафта вест тексас интермедиejт за испорака во август падна од петокот, тргувајќи се за околу 71 долар за барел. Американскиот пазар беше затворен во понеделникот поради празникот. Цената на референтната нафта брент повторно падна, откако во понеделникот загуби 0,7 отсто.
Откако Кина ги намали каматните стапки во вторникот, постепеното воведување мерки за заживување на втората по големина економија во светот поттикна дебата меѓу трговците за тоа до каде ќе одат властите во земјата за да го поттикнат растот. Оваа земја е најголемиот увозник на сурова нафта.
Суровата нафта ВТИ е на пат за првиот квартален пад од средината на 2019 година. Цените паѓаат под притисок на големите резерви од сурова нафта, вклучувајќи и од Русија, заедно со забавувањето на глобалниот раст, додека централните банки се обидуваат да се справат со инфлацијата. За да го запре падот, Организацијата на земјите извознички на нафта и нејзините сојузници ОПЕК+ (OPEC+) одлучија да го намалат производството.
Bloomberg Mercury
„Сè повеќе сме свесни дека ќе ги почувствуваме ефектите од забавувањето на побарувачката“, рече Вишну Варатаб, шеф за економија и стратегија во банката „Мизухо“ со седиште во Сингапур. „Иако мерките на Кина ќе бидат од корист за нафтата на краток рок, се чини дека пазарот е во црвената зона“, додаде тој.
Во фокусот се и испораките од Блискиот Исток. Ирачките и турските власти требаше да се сретнат во понеделникот за да разговараат за потенцијалното продолжување на испораката на нафта преку гасоводот до пристаништето Џејхан.
Нафтоводот има носивост од 500.000 барели дневно.
Цени:
*Суровата нафта ВТИ за испорака во август се тргуваше за 71,21 долар за барел, во 11.16 часот во Сингапур, што е за еден отсто помалку од затворањето во петокот.
*Цената на нафтата ВТИ за испорака во јули беше 70,79 долари за барел.
*Нафтата брент за испорака во август падна за 0,1 отсто, на 76,03 долари за барел.
Со помош на Шарон Чо
