.webp){kind=icon}
Втората последователна жетва на пченица во Русија ја зацврсти позицијата на земјата како извозник број еден во светот, но исто така ги намали ценовните притисоци предизвикани од инвазијата на Украина.
Војната,вклучително и блокадата и бомбардирањето на пристаништата, го забави извозот на храна на Украина, помагајќи да се зацврсти доминацијата на Русија на глобалниот пазар на пченица. Тоа се гледа и во рекордните пратки од оваа земја, чии трговци успеваат да ги надминат финансиските и логистичките предизвици со кои се соочија некои од нив по инвазијата.
Сепак, целосно резервираните пристаништа за транспорт на жито во Русија, исто така, им дадоа поттик на потрошувачите на пченица погодени од кризата на трошоците за живот - најниски цени во речиси три години. И покрај напорите на руските власти да ја искористат ситуацијата, со покачување на цената на пченицата за дополнување на државната каса, на пазарот во Чикаго се тргува по цена која е повеќе од половина од максималната цена на почетокот на војната.
„Руската пченица нема голема конкуренција“, вели Хелен Дуфлот, аналитичар на пазарот на жито во „Стратегие Граинс“ (Strategie Grains). „Русија ги одредува цените токму сега.“
Bloomberg Mercury
И покрај презаситеноста од понудата која ги намалува цените, Русија се обидува да ја искористи својата доминантна позиција за да постави пониска граница на пазарот. Ова не само што ќе ги смири земјоделците кои негодуваат за сè пониските примања, туку и со остварување дополнителни даночни приходи ќе ја надополни државната каса.
Руските власти се обидуваат неформално да наметнат граница на извозните цени, според извори запознаени со ова прашање. Поради ова, некои трговци повторно преговараат, па дури и ги откажуваат договорите, велат изворите, барајќи да не бидат идентификувани бидејќи тоа се приватни информации.
Владата може да воспостави ценовно ниво со одбивање да одобри извозни документи за поевтини пратки, велат изворите. Сепак, долната граница досега не се применуваше доследно.
Овој месец, Египет резервира огромно количество руска пченица по приватна зделка по цена под неофицијалната најниска цена на јавните тендери. Неколку дена подоцна, од Египет беше објавено дека на трговците ќе им биде дозволено да испорачуваат жито со потекло од други земји освен Русија. Ова му овозможува на руското Министерство за земјоделство да го „зачува лицето“ во договорите според кои житото се продава по цена, вели Андреј Сизов, директор на истражувачката компанија „СовЕкон“.
„Ако трговците не продаваат руска пченица, тоа значи дека тие не го прекршиле ценовното ниво на Русија“, рече Сизов.
Руското Министерство за земјоделство не одговори на прашањата дали применува официјално утврдена минимална цена. „Ние се држиме до нашите цени, кои се диктирани од зголемените трошоци за производство“, рече Едуард Зернин, шеф на Руската унија на извозници на жито.
Сепак, ниската цена е уште еден знак дека Кремљ сака да ја зајакне контролата врз рускиот извоз на жито, а со тоа и врз глобалниот пазар.
Меѓународните трговски куќи се повлекоа од Русија претходно оваа година по критиките од странски компании. Москва, исто така, продолжува да привлекува купувачи во Африка и Блискиот Исток, истовремено напаѓајќи ја земјоделската извозна инфраструктура на Украина и мешајќи жито од окупираните региони со сопственото производство.Претходно оваа недела, американското Министерство за земјоделство ја зголеми својата прогноза за рускиот извоз, истовремено намалувајќи ја својата проекција за глобалните испораки.
„Континуираниот руски извоз и конкурентните цени беа главниот фактор што влијаеше на расположението на извозниците во другите клучни земји извозници во последните месеци“, рече Александар Каравајцев, главен економист во Меѓународниот совет за житарки.
