Цените на гасот во Европа пораснаа по тридневен пад додека пазарот е фокусиран на ризикот за снабдувањето од Русија и големиот топлотен бран кој зафати делови од регионот.
Гаспром воведува „виша сила“ во договорите за испорака на гас за неколку европски купувачи, а овој потег може да сигнализира дека планира и натаму да ги ограничува испораките, засилувајќи го рускиот притисок врз енергенсите во регионот.
Во јуни Русија го намали извозот кон Германија преку Северен Поток, главниот гасовод кон Европската Унија, а како причина за тоа го наведе доцнењето во одржувањето на гасните трубини, по воведувањето санкции кон Москва. Едната турбина во неделата од Канада е пренесена во Германија и би можела да стаса до Русија за околу една недела, известија вчера руските медиуми.
Некои од аналитичарите се скептични дека гасоводот веднаш ќе се врати на нормално ниво на работа, по редовното годишно одржување, кое целосно ги запре испораките.
„Сега кога Германија и Канада се договорија околу санкциите за да ја вратат турбината која го движи Северен Поток 1, ќе биде интересно да се види кои други причини ќе ги користи Гаспром за да ја оправда вишата сила“, вели Лесли Палти Гузман, главен извршен директорна консултантската компанија Гас Виста со седиште во Њујорк.
Во меѓувреме, екстремните температури продолжуваат да ја притискаат западна Европа, зголемувајќи ја потребата за ладење и за струја. Температурите во делови од Обединетото Кралство, вклучувајќи го и Лондон, би можеле денеска да достигнаат до историски наајвисокото ниво. Се очекува и Париз и Амстердам да ги достигнат највисоките температури.
Холандските фјучерси, кои се референтна вредност во Европа, пораснаа за 1,4 отсто, на 159,50 евра по мегават час, до 9 часот утрово.
.webp){kind=icon}
