Од октомври лани во почетна фаза е примената на механизмот за јаглеродно прилагодување во ЕУ. Целта на механизмот е намалување на ефектот од климатските промени, а ММФ предупредува дека земјава затоа што тоа ќе биде трошок за компаниите извознички. Нов трошок има и за странските компании од земјава кои веќе подлежат на новите правила за оданочување на добивката во Европската Унија, а чија цел е фер оданочување, без создавање даночни раеви. Во ваков контекст, Скопје денеска има јавен превоз. И тоа е нешто, затоа што вчера немаше.
Добро утро, еве ги петте вести кои се важни за почеток на денот.
Глобален минимален данок: Македонија ја губи атрактивноста кај странските инвеститори?
Од почетокот на годинава во сила се глобалните правила против базна ерозија (GloBE Rules) со кои се воведува глобална стапка за ефективно оданочување од 15 отсто за најголемите мултинационални компании во светот (минимален данок). Овие правила се дел од глобалниот договор за меѓународна даночна реформа од 2021 година, кој е постигнат во рамките на ОЕЦД.
Правилата ќе важат за компаниите со консолидирани финансиски приходи од над 750 милиони евра годишно во најмалку две од четирите години што ѝ претходат на тестираната година. Според тоа, новите правила се однесуваат на околу 8.000 мултинационални групации, дел од нив работат во земјава.
ММФ: Македонија ќе биде меѓу најпогодените за јаглеродното приспособување
Македонија е една од земјите што ќе бидат најпогодени од механизмот за јаглеродно гранично приспособување (од англиски: Carbon Border Adjustment Mechanism – CBAM), чија почетна фаза почна да се применува во Европската Унија од 1 октомври минатата година. Оттогаш од увозниците се бара да ги пријават релевантните податоци за емисиите на јаглерод диоксид за производите што ги продаваат во ЕУ, но не се обврзани да ја плаќаат таксата (своевиден данок за емисиите) до 1 јануари 2026 година. Меѓународниот монетарен фонд (ММФ) во последниот заклучок за земјава по членот IV минатата недела предупредува на обврските од механизмот и последиците за Македонија.
„Северна Македонија е изложена на климатските промени и ќе биде под влијание на механизмот за јаглеродно гранично приспособување на ЕУ. Решавањето на овие предизвици меѓу другото бара и подобрување на деловното опкружување и владеење на правото и забрзување на зелената транзиција“, изјави Бо Ли, заменик на генералниот директор на ММФ.
Сите 11 точки за регион без вето, гранични чекања и работни дозволи: Или?
Планот за раст за Западен Балкан e одлична можност за пристап до европскиот единствен пазар, а земјите од регионот со реализацијата треба двојно да го зголемат БДП по жител во следните десет години, изјави премиерот Димитар Ковачевски на заедничката прес-конференција со американскиот помошник-државен секретар за Европа и Евроазија, Џејмс О’Брајан, по состанокот на лидерите од регионот посветен на планот за раст на Западен Балкан, усвоен од ЕУ.
Претходно претседателот на Србија, Александар Вучиќ, изјави дека во наредните денови ќе се потпишат два протокола што се важни за почнување спогодба за слободен пристап до пазарот на работната сила во Тирана, Скопје и во Белград, а дека тоа ќе почне да важи од 1 март, иако првичната намера беше да профункционира уште од јуни минатата година.
Чудниот пазар на трудот ѝ отежнува на ЕЦБ во одлуката дали да ги намали каматите
Необичната сила на европскиот пазар на трудот поттикнува на акција на Европската централна банка против очекувањата за неизбежно намалување на каматните стапки.
Пркосејќи им на економските учебници, невработеноста штотуку падна на рекордно ниско ниво во услови на очекување на првата постпандемиска рецесија. Зголемувањето на платите придружено со рекордна невработеност значи дека функционерите не можат да ја игнорираат инфлацијата, и покрај нејзиниот пад на под три проценти.
Австралија ја стопира „златната виза“ бидејќи повеќе губи отколку што добива
Австралија ги паузираше апликациите за поединци што инвестираат повеќе од 5 милиони австралиски долари (3,3 милиони американски долари) во земјата, како дел од пошироката ревизија на имиграциската политика креирана да привлече поквалификувани мигранти.
Сите апликации за значајни инвеститори или програмата „златна виза“ се стопирани. Министерката за внатрешни работи Клер О’Нил рече дека визата е еден од „многуте аспекти“ на миграцискиот систем на Австралија што владата планира да го промени за „да создаде систем што е корисен за земјата“.
.webp){kind=icon}
Во моментов нема коментари за веста. Биди прв да коментира...