Се проширува бројот на осомничени што на каков било начин придонеле за несреќата во Кочани, каде што во пожар во ноќен клуб викендов животот го загубија 59 млади лица, а бројката на повредени се ближи кон 200. Министерот за внатрешни работи Панче Тошковски соопшти дека седум полициски службеници, меѓу кои и началници, како и еден актуелен раководител во Министерството за економија, се осомничени дека имаат одговорност за трагедијата. Како соизвршители, осомничените подготвувајќи, потпишувајќи и одобрувајќи позитивна согласност му овозможиле на правно лице да се стекне со лиценца за вршење угостителска дејност кабаре иако објектот не ги исполнувал законските услови за работа. Јавниот обвинител на претходна постапка за нив бара мерка притвор. Инаку, Основниот суд во Кочани донесе решение со кое се продолжи притворот за 16 лица што се досега опфатени во случајот со пожарот во дискотеката „Пулс“ за нови 48 часа, а дополнително определи краткотраен притвор и за две други лица.
Во меѓувреме инспекциите се на терен и надлежните информираат дека од досега проверените локали, некои немаат лиценца, а повеќето од тие што поседуваат лиценца не ги исполнувале минималните технички услови и ќе бидат затворени.
Флексибилно работно време и работа оддома - лекови и за продуктивноста и за животниот баланс
Пофлексибилен закон за работни односи (ЗРО) во делот на организацијата на работата и работното време може да биде чекор кон поголема вклученост на младите и жените на пазарот на трудот, но и кон подобрување на продуктивноста.
Минатата година продуктивноста се намалила за 3,3 отсто, што е најголем пад по пандемијата во 2020 година, кога компаниите речиси и не работа поради рестриктивните здравствени мерки за заштита од вирусот. Во подготовка е нов закон за работни односи, кој е системски од областа на трудовото право.
Речиси половина од работниците се решени да ја променат професијата, а вие?
Истражувањата покажуваат дека просечната возраст кога човек ја менува кариерата е 39 години. Работниците често се чувствуваат како да стагнираат откако ќе стигнат до одредено (солидно) ниво на искуство во работата. Ако не дојде до позначаен вертикален напредок во рамките на работната организација, таквата состојба резултира со промена на кариерата.
Анализираме зошто луѓето се одлучуваат да ја сменат професијата и пренесуваме искуства од млади лица што веќе направиле кариерна промена. Нивниот совет е да се прифати предизвикот без размислување.
Фед ги задржа каматните стапки, но прогнозира послаб раст и повисока инфлација
Претставниците на Федералните резерви (Фед) на САД ја задржаа референтната каматна стапка непроменета втор последователен состанок, иако предвидуваат побавен економски раст и повисока инфлација.
Комитетот за отворен пазар на Федералните резерви вчера гласаше за задржување на каматните стапки на ниво од 4,25 до 4,5 отсто и најави дека ќе го забави темпото на намалување на билансните средства.
„СН Осигурителен брокер“ под блокада: Најавува одложена исплата на камата и тужба до АСО
Осигурителното брокерско друштво „СН Осигурителен брокер“ АД Битола преку Македонската берза информира дека исплатата на камата од шест проценти за издадените обврзници закажана за 1 март годинава не се реализирала поради несолвентност и блокирани сметки на друштвото.
„Исплатата на достасаната камата на имателите на корпоративна обврзница претставува најважен приоритет за друштвото и таа е планирано да се реализирана 30.4.2025 година“, соопшти друштвото и најави тужба за одлуката за Советот на експерти на Агенцијата за супервизија на осигурувањето (АСО) за одземање на лиценцата за работа.
Од пионер во светот на интернетот, вонземјаните го одведоа до затвор: Кој е Џозеф Фирмаж?
Џозеф Фирмаж учествуваше во обликувањето на денешната дигитална економија. Него сега го тужат инвеститори што инвестирале во неговиот проект за антигравитациска машина (уред за поништување и контрола на гравитацијата). Тој исто така тврди дека го гони банда на финансиски измамници од Јамајка, на кои им помага лик што се преправа дека е поранешниот министер за финансии на САД, Стив Мнучин.
Џозеф Фирмаж во август 2021 година влета во студио за видеопродукција во Солт Лејк Сити изјавувајќи дека ќе го промени светот. Неговите иновации вклучуваат уреди за неограничена чиста енергија, самоодржливи домови и антигравитациски погонски системи. Читајте ја приказната за Џозеф Фирмаж.
.webp){kind=icon}
Во моментов нема коментари за веста. Биди прв да коментира...